Jaiak

Hasi da Lekeitioko Antzar Eguneko Antzar Jaiaren 2025eko edizioa. Gozatu festa osoaz, zuzenean, ETB1en eta eitb.eus-en.

Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.

Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz. 

Bederatzi egin luzeren ostean, bukatu egin da 2025eko Bilboko Aste Nagusia. Tradizioari jarraiturik, Marijaia erre eta Bilbok agur esan die jaiei, Francis Diez pregoilariaren abestiekin batera.

Bilbotarrak ahalik eta gehien aprobetxatzen ari dira Aste Nagusiko azken orduak, Marijaia erre aurretik. Erraldoiak, lehiaketa gastronomikoa... eta apar festa izan dituzte gaur. Pregoilariak eta txupinerak ere ez dituzte azken eguneko hitzorduak galdu nahi izan. Bilboko kaleak bizi-bizirik daude Aste Nagusia amaitzeko ordu gutxiren faltan.

Alkateak egindako lana eskertu die garbiketa, mantentze eta lorezaintzako udal zerbitzuei.

Bilboko Aste Nagusiko erregina sugar artean desagertuko da gaur gauean, ETB1ek eta orain.eus-ek 22:00etatik aurrera eskainiko duten ekitaldian.

2025eko Faltzesko Piloneko azken entzierroak aurtengo unerik bitxienetako bat utzi digu. Izan ere, Teodoro Vergararen behiek buelta eman, eta kortara itzultzea erabaki dute, aldapan behera hasi eta segundo gutxira. Azkenik, normaltasunez eta zauriturik gabe egin da entzierroa, 2025eko luzeena: 3 minutu eta 22 segundo.

Larunbat honetan, 19:00etan, Bilboko konpartsetako ordezkariak Udaletxe parean elkartu dira eta giza-kate bat osatu dute, deialdiari erantzun dioten ehunka herritarrekin batera, eraso sexistengatik eta arrazistengatik protesta egiteko eta inolako "erasorik gabeko" jaiak eskatzeko.

Giro bikaina sortu da Bilboko kaleetan Aste Nagusiko bigarren larunbatean. Ohikoa den bezala, asteburuak izaten dira jaietako egunik jendetsuenak.

Lehiaketa honek Publikoaren Saria ere ematen du, baina irailean emango dute ezagutzera.

Faltzesko Piloneko zazpigarren entzierroa oso azkarra izan da, minutu bat eta 12 segundo iraun baitu. Behi batek aurrea hartu dio taldeari, eta korrikalari bat harrapatu du. Ohatilan eraman behar izan dute, baina badirudi ez direla zauri larriak eta sustoa anekdota besterik ez dela izango.

Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.

Bilboko Aste Nagusia azken txanpan sartuta dagoenean, asteburuari begira, poza eta alaitasuna nagusi izatea eta bestelakoez hitz egin behar ez izatea espero duela esan du Juan Mari Aburto Bilboko alkateak. 

Hala ere, atxiloketa gehienak lapurretengatik edo ebasketengatik izan dira.

Faltzesko Piloneko seigarren entzierroak minutu bat eta 7 segundo iraun du, eta Hipica Zahoriko abereak izan ditu protagonista. Hainbat eroriko eta estropezu izan dira ibilbidean zehar, hasiera-hasieran animalia batek izandakoa tartean.

Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.

Albaceteko artistak kontzertua egin du, bart, Europa Parkeko eszenatokian.