Nafarroa
2025/06/05 - 09:45
Albiste izango dira: GALen biktimei buruzko erakusketa, interes tasak eta Gabriel Aresti hil zela 50 urte
Gaurkoan albiste izango direnen laburpena, bi hitzetan.
2025/06/04 - 12:09
Nafarroako Ospitaleko profesionalek barkamena eskatu dute gutun batean, zerbitzuaren gainkargagatik
Nafarroako Unibertsitate Ospitaleko larrialdietako 219 profesionalek gutun publiko bat sinatu dute: salatu dute ezin dutela arreta egokia eman ahal, asistentzia-gainkarga dela eta. Egoera onbideratzeko, langile gehiago eskatu dituzte.
2025/06/03 - 23:02
Prostituzioa Hego Euskal Herrian, analisi laburra: EAEk Espainiako bosgarren tasarik altuena du
Gutxienez 5.158 emakume egongo lirateke prostituzioan (3.421 Bizkaian, 1.053 Gipuzkoan eta 684 Araban), eta % 15 inguru sareetan aritzen dira. Nafarroan, 817 emakume prostituzio egoeran daudela uste dute. Hala ere, Askabide bezalako elkarteek salatu dutenez, kopuru horiek errealitatetik urrun daude.
2025/06/03 - 20:28
Hasi dituzte Unibertsitatera sartzeko probak Hego Euskal Herrian
Deialdia LOMLOEk bultzatutako gaitasunetan oinarritutako proben eredu berriarekin egingo den lehena da. Ekainaren 5a bitartean egingo dira azterketak. Aldaketa metodologikoak dakartza probak, eta, memorizazioaren ordez, analisia eta aplikazio praktikoa lehenetsiko dira. 17.000 ikasle daude deituta.
2025/06/03 - 18:29
Gizon bat hil eta beste bat oso larri zauritu da San Adrianen, ibilgailua errepidetik aterata
Ezbeharra bart gertatu da, NA-134 errepidean, 21:33 aldera. Ibilgailua errepidetik irten eta hormigoizko areka batekin talka egin zuen. Hildakoa 50 urteko gizonezko bat da, eta 33 urteko beste bat Nafarroako Unibertsitatea Ospitalera eraman dute anbulantzian, oso larri.
2025/06/03 - 13:29
Prezipitazio handiak aurreikusi dira Araban eta Nafarroan datozen orduetarako
Ordubetean 15 milimetroko prezipitazioak eta ekaitzak izan daitezkeela ohartarazi dute, eta txingorra eta haize-bolada bortitzak edo oso bortitzak izan daitezkeela.
2025/06/03 - 11:28
Langabeziak % 2 egin du behera maiatzean Euskadin, eta % 1,8, Nafarroan
Erkidego bietan beherako joera izan da hilabete honetan, eta zortzigarren hilabetez jarraian etorri da. Hortaz, datuek argi islatzen dute merkatua supertzen ari dela.
2025/06/03 - 09:50
Albiste izango dira: Unibertsitatera sartzeko probak, gobernu kontseilua Añanan eta Osasun Itunaren bilera
Gaurkoan albiste izango direnen laburpena, bi hitzetan.
2025/06/03 - 00:28
38 urteko quad gidari bat hil da Tafallan, auto batekin talka eginda
Larrialdi-zerbitzuek ezin izan dute ezer egin gizona salbatzeko, eta tokian bertan hil egin da. Bestalde, autoaren gidaria onik atera da.
2025/06/02 - 19:19
A-15 autobia ordu luzez egon da itxita Larraunen, zazpi ibilgailuk talka egin baitute; tartean, bi kamioik
Talkaren ondorioz, bi kamioik eta furgoneta batek su hartu dute. 50 urteko kamioilari bat zauritu da ezbeharrean, eta Donostiako Unibertsitate Ospitalera eraman dute. Autobiako errei bat 22:00ak aldera zabaldu dute berriro.
2025/06/02 - 15:45
BSHko langileen batzordea Industria eta Enpleguko Europako komisarioekin bilduko da hilaren 10ean
BSHko langileen batzordearen ordezkaritza bat Bruselan bilduko da ekainaren 10ean, Europako Industria komisarioarekin, hilaren 16an lantegia itxi egingo dutela iragarri eta horren inguruan hitz egiteko. Gaur ere protesta egin dute langileek Industria Sailaren aurrean.
2025/06/02 - 15:12
Euskara sustatzeko Hizkuntzen Normalizaziorako Plana egitea adostu dute Iruñean
Planaren oinarria izango den dokumentua onetsi du Iruñeko Udalak, EH Bilduk, Geroa Baik eta Zurekin Nafarroak osatzen duten udal gobernuaren eta PSNren babesarekin.
2025/06/01 - 19:17
Bidean elkarte publikoak bere gain hartu du Nafarroako osasun garraioa
110 anbulantzia izango ditu guztira, bai eta denbora errealean informazioa ematen duen sistema bat ere. 432 profesionalek egingo dute lan Bideanen; horietatik 400 aurretik zerbitzua ematen zuten enpresetako beharginak dira.
2025/06/01 - 19:11
Gladys del Estal omendu dute Donostian, haren hilketaren 46. urteurrenean
Eguzki mugimendu ekologistak eta Gladys Gogoan elkarteak omenaldia egin diote igande honetan Gladys del Estal gazte ekologistari, zentral nuklearren eta Bardeako tiro poligonoaren aurkako protesta batean, Tuteran (Nafarroa), Guardia Zibilak hil zuenetik 46 urte bete direnean.
2025/06/01 - 14:03
Abisu horia gaur ere ekaitzengatik: 15 litro bota ditzake ordubetean
Ekialdean joko du gogorren ekaitzak, eta ez da txingorra botatzea baztertzen. Datorren astea hezetik hasiko da, baina eguzkitsu amaitzea espero da.
2025/06/01 - 12:21
Behin-behineko espetxealdia ezarri diote gizon bati Iruñean, neska bati sexu-erasoa egitea egotzita
Iturrama eta Ermitagaña auzoen artean dagoen etxabe batean lagunekin lo egiten ari zen 14 urteko neska bati sexu-erasoa egin izana leporatu diote. Fidantzarik gabeko behin-behineko espetxealdia ezarri diote, ihes egiteko arriskua dagoelako.
2025/06/01 - 00:48
Caritasen tonbola solidarioaren aurtengo edizioa abiatu dute Iruñeko Sarasate pasealekuan
Larunbat honetan inauguratu da Caritasen tonbola solidarioa Iruñean, iruindarrentzat oso hitzordu esanguratsua dena, sanferminak hasteko hilabete bakarrik falta dela gogorarazten dielako. Iaz bildutako diruari esker, zaurgarritasun egoeran zeuden 10.800 pertsonari lagundu zien elkarteak Nafarroan.
2025/05/31 - 19:06
Gerra Zibilean eraildako pertsona baten gorpuzkiak berreskuratu dituzte Genevillan
Bizilagunen lekukotzen arabera, mendabiar baten gorpuzkiak dira. Batzuek zehaztu dute Mendabiako alkate izandako gizon batenak izan litezkeela. Oraingoz, baina, ez dute identifikatu.
2025/05/31 - 18:59
46 urteko gizon bat hil da Ollaranen, erorikoa izanda
Arroila-jaitsiera egiten ari zela, 20 metro inguruko altueratik erori da, SOS Nafarroak jakitera eman duenez.
2025/05/31 - 14:21
Abisu horia arratsaldean Hego Euskal Herrian, zaparrada mardul eta ekaitz arriskuagatik
Nafarroa erdialdean eta hegoaldean, 15:00etatik 23:00etara egongo da indarrean, eta EAEn, 18:00etatik gauerdira. Euri zaparrada handiak bota ditzake eta orduko 15 litro ere pila litezke zenbait puntutan. Gainera, kazkabarra ere egin dezake.