Ustezko ustelkeria politikoa
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan.
Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Albiste izango dira: Abisu horia beroagatik, Alzorrizen dimisioa eta munduko 50 jatetxe onenak
Gaurkoan albiste izango direnen laburpena, bi hitzetan.
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.
Servinabar enpresaren % 45aren jabe Cerdan zela dioen dokumentu bat aurkitu du UCOk
Guardia Zibilaren UCO unitatearen arabera, Nafarroako eraikuntza enpresa hori dago obra publikoen legez kanpoko esleipenekin lotutako ustezko ustelkeria sarean.
Sanchezek jarraitu egingo duela adierazi die militanteei, eta salatu du "eraso moral" baten aurrean daudela
PSOEko idazkari nagusiaren esanetan, "bizi dugun une zailak ez digu perspektiba galarazi behar", eta horregatik jarraituko du aurrera Gobernu aurrerakoiak.
Esteban, 'Koldo auzia'z: ''Hariaren hasiera besterik ikusten ez dugun haril bat egon daiteke hemen''
Aitor Estebanek, EAJko EBBren presidenteak uste du PSOEk azalpenak eman behar dituela eta erakutsi behar duela Santos Cerdan, Jose Luis Abalos eta Koldo Garcia soilik zeudela ustelkeria sarean nahasita. Gaineratu du hurrengo aste eta egunetan gertatzen denari adi egon behar dugula ere. [Audioa gazteleraz]
Sanchezek uztailaren 9an agerraldia egitea proposatu du, baina bazkide gehienek lehenago izatea nahi dute
Bestalde, PPk aste honetan bertan izatea nahi du. Espainiako Gobernuak azaldu duenez, uztailaren 9a da Sanchezek libre duen lehen data, dagoeneko nazioarteko hainbat konpromiso dituelako agendan; zehazki, NATOren goi-bilera ekainaren 24an eta 25ean eta Europako Kontseilua 26an eta 27an.
Eusko Jaurlaritzak afera azal dezatela eskatu du, bai eta 'Cerdan auzia' azken bururaino ikertzea ere
Espainiako politika astindu duen azken ustelkeria kasuaren aurrean, Maria Ubarretxena bozeramaileak "kezka" eta "gaitzespena" agertu ditu. Halaber, baieztatu du sailburu sozialistek ere jarrera hori partekatzen dutela.