Ekonomia

Azken egunotan, oztopoak agertu dira berriro bidean, estatutu markoaren erreformak irekitako gatazka tarteko, Monica Garcia Espainiako Osasun ministroaren dimisioa eskatu baitute Greba Batzordeak eta beste kolektibo batzuek.

Laboral Kutxak Batzar Nagusia egin du. 2025eko kudeaketa eta urteko kontuak berretsi dituzte bertan. Egoera geopolitiko zaila izan arren, 2026an ere irabaziak izatea espero dute. Adimen artifiziala da erakundearen epe ertaineko erronka nagusienetako bat, eta horretara bideratuko dituzte baliabide gehien.

"Oldarraldi judizial, politiko eta sindikalaren" aurrean, enplegu publikoan euskararen eta gaztelaniaren eskakizunak parekatzea eskatzen dute.

Eibarko Lan Arloko 1. Epaitegiak emandako epaia aitzindaria da Euskadin, lehen aldia baita karrerako funtzionario diren langileei aldi baterako kontratuen abusuagatik kalte-ordaina jasotzeko eskubidea aitortzen zaiena. 

Ivan Grandek adierazi du egungo egoera geopolitikoak eragina izan dezakeela hegazkin konpainien eta aireportuen ekonomian, baina Espainian kerosenoa ekoizten duten lantegiek erregaia "epe laburrean" bermatzen dutela uste du.

Eustatek ostiral honetan argitaratutako 2026ko lehen hiruhilekoko datuen arabera, 2.700 landun gutxiago daude eta 5.900 gehiago langabezian aurreko hiruhilekoaren aldean. Langabezia-tasa % 6,7koa da, gazteen kasuan % 12,5ekoa.

Osasun sailburuak medikuen kolektiboarekin izandako gatazkarekin lotu du itxaron-zerrenden hazkundea, eta elkarrizketa eskatu du negoziazioa desblokeatzeko. Aldi berean, greba luzatzeak asistentzian izango duen eraginaz ohartarazi du.

Ministerioak bertan behera utzi zuen ostegunean Greba Batzordearekin eta autonomia-erkidegoekin Esparru Estatutuaren gatazkari heltzeko egitekoak ziren bilera, aldeetako batek bere zatia “ez zuela bete” iritzita. Sindikatuek adierazi dute erkidegoetan mahai espezifikoak sortzeko Ministerioak egindako proposamena juridikoki "biderezina" dela Estatuko-arauak aldatu gabe eta horregatik egin diotela uko bide horri. 

Arabako konpainiak 1,3 milioi irabazi ditu martxora arte, eta salmentak % 15,4 jaitsi dira, Estatu Batuetako muga-zergen ondorioz.

Sindikatuak ekitaldi bat egingo du apirilaren 28an Bilbon, "Euskal Herrian absentismoa % 0 da" lelopean, Lan Osasunaren Nazioarteko Eguna dela-eta.

Industria Planaren proiektu eraldatzaileetako bat da, eta Petronorrek gidatuko du. Guztira, 51 enpresa bilduko ditu, horietatik 23 enpresa txiki eta ertainak.

Sindikatu bakoitzak bere aldetik jarri du helegitea EAEko Justizia Auzitegi Nagusian. 242 kaleratze aurreikusten dituen enplegu erregulazioko espedientea bertan behera gera dadila eskatu dute, neurriz kanpokoa eta ondo arrazoitu gabe dela esanez. Gaur berriro atera dira kalera langileak, Bilbon. 

Extremadurako taldearen iturriek adierazi dute erosteko proposamena egin egin dela. Enpresaren bi ekoizpen-lerroen jarraipena planteatzen du, bai enbalajearena, baita prentsa-paperarena ere.

Orain arteko prozesuetan inoiz izan den izen-emate kopururik handiena izan da. Fase horretan 9 kategoriatarako lanpostuak eskaini dira, besteak beste, administrari, erizain eta zeladore postuak. Azterketak ekainean izango dira.

Mikel Torres lehendakariorde eta Ekonomia, Lan eta Enplegu sailburuak adierazi duenez, Iranen gatazkak bere horretan jarraitzen badu, eragina izango du "ziurrenik" euskal industrian; Tubos Reunidosko EEEa eta Tubacexen etor litekeen aldi baterako erregulazioko espedientea, kasu. Izan ere, Torresen hitzetan, "euskal industria sektorea oso lotuta dago nazioarteko merkataritza horrekin eta egoera energetikoarekin".

Unibertsitateko tituludunen artean, % 22 Euskaditik kanpo ateratzen dira, baina gehienak "arrazoi pertsonalengatik" ateratzen dira, 'Talentu-ihesa Euskadin' diagnostiko-txostenaren arabera.

Europako Batzordeak berehalako laguntzak proposatu ditu, elektrifikazioa bizkortzeko eta erregai fosilekiko mendekotasuna murrizteko egiturazko neurriekin.

Lufthansa taldeak jakinarazi duenez, neurriaren bidez 40.000 tona keroseno aurreztuko dituzte. Izan ere, Irango gerra hasi zenetik bikoiztu egin da erregai horren prezioa.