'EuskarAbentura' espedizioak Gipuzkoa zeharkatu du, eta Iparraldean sartu da
‘EuskarAbentura’ espedizioak aurrera darrai. Hala, 300 km inguru eginda, gazteek Abadiako jauregia bisitatzeko aukera izan dute asteburu honetan, Lapurdin sartu aurretik. Abenturaren 21. egunean kostaldea bisitatu dute, euskararen egoera zein den ezagutu duten bitartean. Eguraldia lagun, lehen bainua elkarrekin hartu dute Biarritzen, eta euskal monetaren nondik norakoak ezagutu dituzte Baionan, Xebax Christy Eusko elkarteko presidentearen eskutik.
Azken egunotan Gipuzkoa zeharkatu du ‘EuskarAbenturak’. Uztailaren 16an, Zerainera iritsi zen taldea, eta herriak afari ederra prestatu zuen, auzolanean. Gazteen esanetan, giro ederra sortu zen eta kantuan eta elkarri besarkatuta eman zioten amaiera egunari.
Hurrengo egunean, Aizpeako meategiak bisitatu zituzten gazteek, eta aurrerago Goierritik barrena Ormaiztegira bazkaltzera iritsi ziren, bertako Zumalakarregiren Museoan sartu-irtena egiteko. Tolosara trenez sartu zen espedizioa, eta Olatz Peonek, herriko alkateak, harrera egin zien Udalean, erdigunetik bisita gidatua egin aurretik.
Uztailaren 18an Mattin Zeberio gazte tolosarrak zuzendutako “Zortzi Yucon” dokumentala ikusi eta Zeberiorekin solasaldia egiteko aukera izan zuten espedizioko kideek. Arratsaldean, sormen lanean laguntza ematen ari diren sortzaileak hurbildu ziren Tolosara.
Zerkausi plazako afarira Kike Amonarriz batu zen, ostean hitzaldi borobila eskaintzeko. ”EuskarAbentura azken urteotan euskalgintzatik sorturiko ekimenik ederretako bat dela iruditzen zait”, adierazi zuen Amonarrizek.
Ostegunean Tolosaldea atzean utzi eta Buruntzaldean murgildu zen espedizioa, Andoaingo Martin Ugalde Kultur Parkean Berria ezagutzeko, Martxelo Otamendiren eskutik. Martxa berriz hartuta, Hernaniraino heldu zen, bertan Broken Brothers Brass Band-en erritmopean dantzan aritzeko.
Ostiralean, Astigarragatik igarota Santiagomendiko Sagardo Bidea hartu zuten gazteek, Oiartzundik igarota Irunen bukatzeko etapa. “Handia” filma eta bere zuzendaria, Aitor Arregi, zain zituzten bertan.
Albiste gehiago gizartea
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Sexu bidezko kutsatzeak bikoiztu egin dira azken urtean Euskadin eta GIB kasuak mantendu egin dira
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.