42 COVID kasu berri atzeman dituzte Beasainen egun bakarrean, eta 21 Ordizian
Gipuzkoako hamar herri eta Bizkaiko bi gorriz koloreztatu ditu larunbat honetan Eusko Jaurlaritzako Osasun Sailak, COVID-19ak Euskadiko udalerrietan duen eragina aztertzen duen koloretako semaforoa erabiliz.
Azken 24 orduok bereziki txarrak izan dira Gipuzkoan, pandemia hasi zenetik inoiz erregistratu den daturik txarrena izan baita bertan: 430 kasu berri. Hala, atzo kolore gorrian zeuden zortzi udalerriei —Astigarraga (+1), Azkoitia (+17), Azpeitia (+12), Beasain (+42), Elgoibar (+10), Ordizia (+21), Tolosa (+7) eta Zumarraga (+9)— bi herri berri gehitu zaizkie maila horretan: Deba (+5) eta Urnieta (+5) .
Laranjan daude, berriz: Andoain (+11), Donostia (+76), Eibar (+16), Errenteria (+14), Hernani (+14), Irun (+30), Lasarte-Oria (+8), Lazkao (+4), Legazpi (+8), Lezo (+7), Mutriku (+2), Oñati (+2), Pasaia (+10), Urretxu (+3), Villabona (+2) eta Zumaia (+10).
Semaforo horretan 5.000 biztanletik gorako herriak sartzen dira, baina kopuru hori baino gutxiago duten zenbait herritan ere intzidentzia altua izan da. Antzuolan 7 kasu berri atzeman dituzte, adibidez; Mendaron 6, Zaldibian 5, Zegaman 3 eta Zestoan 6.
Beasain, Azpeitia eta Irungo baheketak
Beasaingo datu deigarria oso lotuta dago Osakidetzak hilaren 15etik 16ra bitartean Beasaingo Txindoki Institutuko ikasleen artean egin duen baheketa bereziarekin. Ikasleen artean 24 positibo detektatu ondoren erabaki zen baheketa egitea. 15 kasu atzeman dira lehen egunean eta 42 bigarrenean.
Bestalde, gaur amaituko dira Azpeitian eta Irunen baheketa bereziak: Oraingoz, 27 + 12 kasu atzeman dira bi egunetan Azpeitian, eta 12 + 30 Irunen.
Aipagarria da atzoko Ordiziako datua ere, 21 kasu berri atzeman baitira azken orduotan, inolako baheketa berezirik egin gabe.
Zehazki, semaforo horrek kolore berde, hori, laranja edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela esleitzen dira:
- Berdea: Intzidentzia-tasa 100.000 biztanleko 60 kasutik beheragokoa denean.
- Horia: Intzidentzia-tasa 100.000 biztanleko 60-299 kasu artekoa denean.
- Laranja: Intzidentzia-tasa 100.000 biztanleko 300-499 kasu artekoa denean.
- Gorria: Intzidentzia-tasa 100.000 biztanleko 500 kasukoa edo hortik gorakoa denean.
Bizkaian, Lekeitiok (+2) eta Durangok (+22) gorriz jarraitzen dute. Laranjan daude, berriz: Abadiño (+4), Berango (+1), Elorrio (+5), Ermua (+6), Gueñes (+0), Muskiz (+2), Portugalete (+6) eta Zornotza (+10).
Azkenik, Araban ez dago udalerririk gorriz margotuta, eta bakarra dago laranjan: Agurain (+3).
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.