535era igo dira kutsatze berriak Euskadin, eta positiboen tasa % 7,1era
Euskadik covid-19aren 535 kutsatze berri atzeman ditu ostegun honetan, eta egindako proba diagnostikoekin alderatuta, positiboen tasa bi hamarren igo da, % 7,1era arte.
Osasun Sailaren buletin epidemiologikoaren arabera, ostegunean aurreko egunean baino 34 kasu gehiago zenbatu zituzten eta 7.503 proba diagnostiko egin zituzten, hau da, aurreko egunean baino 268 proba gehiago.
359 gaixo daude EAEko ospitaleetan, bezperan baino bost gutxiago, ospitaleratze berriak 33tik 46ra igo diren arren. Zainketa intentsiboetako unitateetan gaixoak 72tik 71ra igaro dira.
Zehazki, kasu berri horietatik 283 (zazpi gutxiago) Bizkaian detektatu dituzte, 170 (aurreko eguneko 131en aldean) Gipuzkoan eta 73 Araban, aurreko eguneko berberak. Gainera, beste kasu batzuk autonomia-erkidegotik kanpo bizi diren pertsonen artean gertatu dira.
100.000 biztanleko 14 egunetan metatutako intzidentzia-tasak okerrera egiten jarraitzen du: asteartean 252 kasu izan ziren, eta asteazkenean, 255,4; ostegunean, berriz, 261,08. Arabak du daturik txarrena adierazle horretan, 275,28 kasu izan baitira; ondoren, Gipuzkoak (272,33) eta, azkenik, Bizkaiak (243,94).
Asteazkenean bezala R0 zenbakiak (gaixo dagoen pertsona batek zenbat pertsona kutsa ditzakeen adierazten du), ostegun honetan ere hobera egin du, 1,08ra jaitsi baita (aurreko egunean 1,10 izan zen), eta Araban ere 1etik behera kokatu da, 0,99an hain zuzen ere.
"Eremu gorrian" dauden 5.000 biztanletik gorako udalerriei dagokienez, 14 egunetan 500 kasutik gorako intzidentzia metatua dutenak lau dira oraindik. Bizkaian, Lekeitio eta Bermeo mantentzen dira zerrenda horretan; Gipuzkoan, berriz, Lazkao atera da, Beasainek jarraitzen du eta Zumaia sartu da.
Euskadiko intzidentzia epidemiologikoaren bilakaera kontsulta daiteke. Azken orduetan herriz herri zenbatutako positibo berriak azter daitezke, eta pandemia hasieratik atzemandako kasu guztiak eta adin-taldeen araberako datuak ageri dira bertan.
Oraingoz ez dago murrizketa berririk
Euskadiko Babes Zibileko Planaren (Labi) Batzorde Teknikoak egiaztatu duenez, egoera epidemiologikoak "oso kezkagarria" izaten jarraitzen du, baina oraingoz, eta datorren astelehenerako aurreikusita dagoen bilera berri batean har ditzakeen erabakien zain, ez du proposatu gaur egungo prebentzio neurriak aldatzea, koronabirusaren hedapenaren aurrean.
Erakunde hori osatzen duten adituek, euskal erakundeei pandemiaren aurkako neurriei buruzko aholkuak emateaz arduratzen denak, azpimarratu dutenez, azken egunetako datuen arabera, kutsatzeen goranzko joera "motela baina etengabea" da.
Adinekoen egoitzen egoera
Arabako egoitzetako 2.600 erabiltzaileetatik lau adineko kutsatuta daude gaur egun, hau da, guztizkoaren % 0,15.
Lau kasu positiboak Gasteizko Ascarza zentroko erabiltzaileei dagozkie; azken egunetan sei egoiliar sendatu dira infekziotik, eta beste bat hil egin da.
Arabako Foru Aldundiak ostiral honetan jakitera eman duenez, Albertia Campus egoitza pribatua covidetik libre geratu da azken egunetan, erabiltzaileetako bat berreskuratu ostean.
Gipuzkoako adinekoen egoitzetako foru sarean ez da pertsonarik hil azken orduetan, baina beste kutsatze bat izan dela baieztatu dute, eta lau pertsona sendatu dira.
Foru Aldundiak jakitera eman duenez, datu horiekin, 64 dira positibo aktiboak foru sarean, sendatutako adinekoak 572 dira eta hildakoak 143, abuztuan pandemiaren bigarren olatua hasi zenetik.
Gaur egun, 14 gaixo daude Eibarko eta Ordiziako pandemiarako erreferentziazko zentroetan.
Kasuak Estatuan
Erkidegoek 25.456 kasu jakinarazi dizkiote ostiral honetan Osasun Ministerioari, horietatik 12.327 azken 24 orduetan diagnostikatuta. Hortaz, pandemia hasi zenetik koronabirusak kutsatutako pertsonen kopurua 2.050.360 da.
Espainian azken 14 egunetan kutsatutakoen batez besteko intzidentziak gora egiten jarraitzen du, hau da, 350,48 kasu 100.000 biztanleko.
Hildakoei dagokienez, Salvador Illak zuzentzen duen sailak 199 gehiago jakinarazi ditu ostiral honetan, 590 azken astean. Hori dela eta, Espainian 51.874 pertsona hil dira koronabirusak jota.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbat lagun espedientatu dituzte Gasteizko bi diskoteketan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatako segurtasun-dispositibo banatan egindako prebentzio-operatiboetan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.