Positiboek apur bat behera egin dute, baina tasa metatua 360 kasutara igo da Euskadin
Covid-19aren pandemiaren ondorioz, 760 positibo berri atzeman dituzte Euskadin azken orduetan, asteazkenean baino 11 kasu gutxiago. Positibotasun tasa ere % 5,9tik % 5,7ra jaitsi da, eta proba diagnostiko gehiago egin dira.
Koronabirusaren intzidentzia-tasak gora egiten jarraitzen du 100.000 biztanleko 14 egunetan, 360,91 kasuraino, asteazkeneko 348,64 kasuen gainetik. Igoera hiru lurraldeetan erregistratu da: 365,87 Bizkaian (350,81 asteazkenean), 345,20 Gipuzkoan (334,65 asteazkenean) eta 345,54 Araban (340,09 asteazkenean).
Osasun Sailak jakitera eman duenez, 13.224 proba egin zituzten ostegun honetan, aurreko egunean baino 203 gehiago, eta horietatik 760k eman zuten positibo, % 5,7ko kutsatze-tasarekin. Kasu berriek eta positibotasun-indizeak behera egin dute asteazkeneko datuekin alderatuta, orduan 771 kutsatze berri izan baitziren, eta tasa % 5,9koa izan zen.
Pandemiaren bilakaera islatzen duen beste parametroetako bat R0 zenbakia da, gaixo batek zenbat pertsona kutsa ditzakeen adierazten duena, eta, oraingoan, egonkor mantentzen da eta 1,23an dago, aurreko egunean baino hamarren bat gutxiago.
Ospitaleen egoera egonkorra da: 50 gaixo ospitaleratu zituzten ostegun honetan (aurreko egunean baino 34 gutxiago), 367 gaixo daude gela arruntetan, asteazkenean baino 1 gutxiago, eta zainketa intentsiboetako unitateek gaixo larri bat gehiago zaintzen dute, 84 guztira.
Positibo berri gehienak Bizkaian izan dira berriro, 412 kutsatze berri (asteazkenean baino 16 gutxiago), Gipuzkoan 239 (aurreko egunean baino 30 gehiago) eta Araban 100 (asteazkenean baino 19 gutxiago). Gainera, Euskal Autonomia Erkidegotik kanpo bizi diren bederatzi pertsonek positibo eman dute.
5.000 biztanletik gorako udalerriei dagokienez, 12 daude "eremu gorrian", hau da, 100.000 biztanleko 500 kasutik gorako intzidentzia metatua dute 14 egunetan, asteazkenean baino bat gehiago, Bizkaiko Durango gehitu baitzaie.
Gainera, kutsadura-indize altuekin jarraitzen dute Agurainen (Araba), Andoainen, Beasainen, Villabonan, Zumaian, Zornotzan, Bermeon, Lekeition eta Muskizen.
Hildakoei dagokienez, Osakidetzak zuzendu egin du azken astean covid-19aren ondorioz hildako pertsonen kopurua, joan den asteazkenean jakinarazitako 36 pertsonetatik 66ra igaro baitira.
Adinekoen egoitzen egoera
Lau pertsona hil dira covid-19ak jota azken orduetan Bizkaiko zahar-egoitzetan. Guztira 152 dira pandemiaren bigarren olatuan hil diren pertsonak.
Foru Aldundiak ostiral honetan, osteguneko datuetan oinarrituta, jakinarazi duenez, 13 zentrotan daude koronabirusak gaixotutako pertsonak Bizkaian.
Egoiliar kopuruari dagokionez, 251 dira covid-19a duten adinekoak, duela bi egun baino 9 gehiago. Gaixorik dauden pertsona horietatik 26 ospitaleratura daude, asteazkenean baino 5 gutxiago.
Gainera, 164 langile daude birusak jota, azken zenbaketan baino bat gehiago, eta 78 profesional daude isolatuta, PCR proben emaitzen zain.
Araban, sei dira kasu positiboak, Aldundiak jakitera eman duenez.
Halaber, zehaztu du Zuiako Gorbea egoitzan dagoeneko ez dagoela koronabirusarekin gaixotutako inor, gaitzari aurre egitea lortu baitu kutsatuta zegoen pertsona bakarrak.
Gipuzkoan, bestalde, bi kasu berri atzeman dituzte, baina ez da inor hil azken orduetan.
Horrez gain, aipatzeko moduka da hiru egoiliarrek lortu dutela covid-19a gainditzea. Orotara, bost zentrok dituzte covid-19 kasuak gaur-gaurkoz, eta Aretxabaletako Debagoiena zentroan dute egoera okerrena: 30 kasu.
Gipuzkoa osoa kontuan izanda, 51 kasu positibo daude adinekoen zentroetan. Abuztuaren 11az geroztik, 593 pertsonak egin diote aurre koronabirusari, eta 144 hil egin dira.
Nafarroako datuak
Beste behin, gora egin du positibo berrien kopuruak Nafarroan. Ostegun honetan, 226 kasu atzeman dituzte, 2.861 proben artean (PCR eta antigenoak); horrek % 7,9ko positibotasun tasa utzi du, Foru Gobernuak jakitera eman duenez.
40.000 kasu berri, Espainian
Osasun Ministerioak emandako datuetan oinarrituta, 40.197 positibo berri atzeman dituzte Espainiako Estatuan azken 24 orduetan; 2.252.164 pandemia hasi zenetik. Hildako kopurua 53.314koa da martxotik; atzotik, ostera, 235ekoa. Metatutako intzidentzia 575,10 kasutan dago.
Ospitaletan geroz eta jende gehiago dago. Covid-19a duten pertsonak betetzen dute ospitaleen % 15,69, eta ZIUen % 29,56 (atzo baino puntu bat gehiago). Guztira, 19.657 pertsona daude covid-19ak jota (atzo baino 704 gehiago), eta ia 3.000 lagun zainketa intentsiboen unitateetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.