Euskadin 51 hildako izan dira azken astean, azken 4 hilabeteko kopururik txikiena
Koronabirusak eraginda, 51 pertsona hil dira Euskadin astebetean, duela lau hilabetetik izandako asteko heriotza kopururik txikiena; aldiz, intzidentzia metatuak behera egiten jarraitzen du poliki-poliki, 243,8 kasuraino.
Heriotzen kopurua urriaren 26tik azaroaren 1era bitartean 46 pertsona hil zirenetik izan den txikiena da. Ordutik, hildakoen kopurua astean 57 eta 99 artean zegoen.
Eguneko datuei dagokienez, Eusko Jaurlaritzako Osasun Sailaren arabera, asteartean 8.213 test diagnostiko egin, eta 340 positibo atzeman dituzte. Hala, positibotasun tasa % 4,3tik % 4,1era jaitsi da.
Lurraldez lurralde aztertuta, 174 Bizkaian detektatu dituzte, 93 Gipuzkoan, 66 Araban eta zazpi Euskal Autonomia Erkidegoan bizi ez direnen artean.
Bi asteko intzidentzia-tasa metatuak behera egiten jarraitzen du, eta 243,85ean dago. Beheranzko joera mantendu egin da Bizkaian (269,96) eta Gipuzkoan (186,55), baina gora egin du Araban, 100.000 biztanleko 260,74 kasu izan baitira.
Bilbo eremu laranjatik atera da intzidentzia metatua 296,1ekoa baitzen asteartean. Donostian behera egiten jarraitzen du (116,2 kasu), eta Gasteizen, aldiz, gora egiten jarraitzen du (286,1 kasu).
Presio asistentziala igo egin da azken orduetan. Azken egunean, 45 ospitaleratze berri izan dira (bederatzi gehiago), eta zainketa intentsiboetako unitateetan dauden pazienteen kopurua 126ra igo da, astelehenean baino bost gehiago. Gela arruntetan ospitaleratutako pertsonen kopurua 268tik 267ra jaitsi da. Guztira, 393 pertsona daude EAEko ospitaleetan, lau gehiago.
Gainera, otsailaren 22tik 28ra bitarteko datuak aztertu ondoren, 51 pertsona hil dira covid-19arekin, aurreko astean baino 17 gutxiago.
Oinarrizko birsorkuntza-tasak (R0), gaixo batek zenbat pertsona kutsa ditzakeen adierazten duenak, 0,88 da, aurreko egunean bezala. Araban 1era itzuli da, Gipuzkoan 0,93an dago eta Bizkaian, berriz, 0,83an.
Atzo bezala, Derion eta Santurtzin (Bizkaia) eta Oñatin (Gipuzkoa) 500 kasu baino gehiago izan dira.
Hori dela eta, koronabirusaren ondorioz itxitako gelen portzentajeak ere behera egin du % 0,49 gaur, eta % 0,52 atzo.
Gainera, ez dago aurrez aurreko hezkuntza-jarduera eten behar izan duen ikastetxerik.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.