Bigarren dosia bermatzeko EAEren estrategia "ondo" dago, jendartearen ustez
Koronabirusaren aurkako txertoaren bigarren dosia bermatze aldera, Eusko Jaurlaritzak prestakin kopuru bat gordetzearen estrategia "ondo" dago euskal gizartearen irudiko, eta 0-10eko tartean, 6,19ko nota eman diote herritarrek, EITB Focus azken makroinkestak jasotzen duenez. Era berean, beste erkidegoek darabilten estrategiarekin alderatuta, % 47k uste du egokia dela.
Pandemiaren urtemuga baliatuta, EAEko biztanleen iritzia jakin nahi izan du Gizaker etxeak EITB MEDIArentzat egindako galdeketak. Inkesta otsailaren azken astean egin zioten EAEko 1.200 herritarri, telefono bidez.
Covid-19aren pandemiak urtea bete duen honetan, EAEko herritarrek iazko urrian baino apur bat gogo-aldarte hobea dute. Hala, 0tik 10erako tarte batean, 6,56an kokatu da gizartearen gogobetetasuna, duela bost hilabete baino bi hamarren gorago. Dena dela, aipatzekoa da ohikoa den batez besteko balorazioa baino bi puntu beherago dagoela orain animoa.
Hirugarren eta azken atal honek gizartearen aldartea eta txertaketa izan ditu ardatz. Aurrenekoari dagokionez, eta betiere duela urtebeteko egoera pertsonalarekin erkatuta, galdetutakoen % 58k esan dute "kezkatuago" daudela, eta beste horrenbestek diote "gogaituago" daudela. Ia % 24 batek aitortu duenez, okerrago egiten du lo. Aipatzekoa da pandemiak gogorrago astindu duela emakumeen egoera psikologikoa. Zenbait kasutan, 10 puntu inguruko aldea dago andrazkoen eta gizonezkoen gogo-aldartearen artean. Hartara, emakumezkoen % 54 "nekatuago" daude, gizonezkoen % 40aren aldean. Andrazkoen loa ere eskasagoa da (% 28k txarrago hartzen dute atseden, gizonezkoen % 19ren aurrean).
Orokorrean, lau pertsonatik hiruren arabera, "oraindik falta bada ere, pandemiatik ateratzen ari gara".
Covid-19ak bestelako ondorioak ere baditu: gehiago aurrezten omen dugu (itaundutakoen % 53k hala diote), eta galdetutakoen % 26,7k kirol gutxiago egiten du.
Pandemiak familia harremanak kaltetu dituen galdetuta, gehiengo zabal batek (% 84) ezetz erantzun du; itaundutakoen % 15ek, ordea, aitortu dute liskar gehiago izan dituztela. Hori horrela izanik ere, egoera apur bat ezberdina da 15-35 urteko gazteen artean, eta horien %23k aitortu dute giroa gaiztoagoa dela orain etxean.
Txertaketa
Txertaketa prozesua nola kudeatu den hizpide hartu du EITB FOCUSek eta herritarren gehiengoak (% 55) uste ez dela kudeaketa egin; lau pertsonetatik batek (% 23,7), berriz, kudeaketa egokia izan dela iritzi diote.
Jaurlaritzak estrategia kontserbadorea izan du txertoei dagokionez, eta heldu ahala, dosietako batzuk gorde ditu, lehen prestakina jasotzen zuten horiek bigarrena bermatuta izateko. Estrategia horri 10etik 6,19ko nota jarri diote EAEko herritarrek, eta beste erkidegoetan dutenarekin alderatuta, ia erdiari ondo iruditu zaie.
Azkenik, nabarmentzekoa da gizarteak txertoarekiko duen konfiantza hazi egin dela azken hilabeteetan. Urrian % 39,5 zegoen immunizatzeko prest, orain, ordea, % 84,5era igo da kopuru hori.
Fitxa teknikoa
Gizakerrek EITB MEDIAko albistegietarako egindako inkesta EAEn bizi diren 1.200 pertsonari egin zitzaien (400 Araban, 400 Bizkaian eta 400 Gipuzkoan).
La= ±% 2,83, konfiantza-maila % 95, p=q=0´5, EAEko datuetarako. Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2021eko otsailaren 23tik 26ra egin zuten, elkarrizketak telefonoz eginez.
Galdeketen batez besteko iraupena 11,68 minutukoa izan zen: motzenak 8 minutu iraun zuen, eta luzeenak, 26 minutu.
Zure interesekoa izan daiteke
Bizkaibusek Gipuzkoako Mugi txartela onartuko du gaurtik aurrera
Horrela, hiru lurraldeetako erabiltzaileek ohiko txartelarekin Bizkaian mugitzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.