EAEko biztanleriaren % 3,3k osatu dute covidaren kontrako txertaketa prozesua
Bi hilabete eta erdian Pfizer-BioNtech, Moderna edota AstraZeneca konpainiek ekoitzitako covid-19aren kontrako 266.407 txerto jarri ditu Osakidetzak. Immunizazioa lortzeko, txerto marka horien bina dosi jartzea beharrezkoa da, eta EAEn, orain arte, 72.996 pertsonak jaso dituzte bi txertoak, biztanleria osoaren % 3,3, gutxi gorabehera. 193.411 herritar, berriz, lehen dosia jasota, bigarrenaren zain daude.
Osasun Sailak txertaketari buruzko datuak eman ditu gaur jakitera, ohar bidez, eta horren arabera, zentro sozio-sanitarioetako egoiliar eta profesional ia denek (% 99,3) jaso dituzte, jada, bi dosiak, eta Osakidetzako langileen % 84,8k ere osatu dute txertaketa prozesua. Aldiz, osasun zentro pribatuetan eta garraio sozio-sanitarioan lan egiten dutenen % 5,2k bakarrik jaso dute dagokien bigarren dosia.
Bestalde, Ertzaintzako profesionalen % 100ek, unibertsitatez kanpoko hezkuntzako beharginen % 65ek eta beste zerbitzu sozio-sanitario batzuetako profesionalen % 97,7k jaso dute lehen dosia, eta ia guztiak bigarrenaren zain daude.
Osakidetzak, orotara, Pfizer-BioNtechek 239.850 dosi jaso ditu, Modernaren 30.800 eta AstraZenecaren 360.850.
Bigarren txertoak "bermatzeko" helburuarekin jarraitzen ari den estrategiaren baitan, Osasun Sailak 77.240 dosi ditu gordeta; horietatik, 37.200 Pfizerrenak dira, 2.950 Modernarenak eta 37.090 AstraZenecarenak.
Martxoaren 17tik 23rako tartean 28.829 txerto jartzea dute aurreikusita, 12.726 Pfizerrenak eta 16.103 Modernarenak.
AstraZenecaren txertaketa etenda egon ondoren, baliteke datorren asteazkenean bertan berrekitea berriro txerto hori jartzeari, Europako Sendagaien Agentziak (EMA, ingelesez) txertoa "segurua" eta "eraginkorra" dela ondorioztatu ondoren.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.