EAEko positibo tasa % 10etik gertu dago
Euskal Autonomia Erkidegoan 524 covid-19 kasu positibo berri izan dira azken 24 orduetan. Aurreko larunbatean jakinarazitako datua (592) baino apur bat txikiagoa da.
Positibo tasa, hala ere, azarotik erregistratu den altuena da. 5411 proba diagnostiko egin dira, PCR eta antigenoak kontuan izanda. Beraz, tasa % 9,7an kokatu da azken egunean.
Lurraldea, positibo gehienak, 213, Bizkaian daude. Gipuzkoa kopuru horretatik gertu dago, 197 positiborekin. Araban 105 kasu berri izan dira.
Ospitaleetako egoerari dagokionez, azken egunean 48 pertsona gehiago ospitaleratu dituzte covid-19arekin, eta zaintza intentsiboetako unitateetan 93 gaixo daude ingresatuta covid-19arekin.
Osakidetzak asteartean emango du metatutako intzidentziaren berri. Egun horretan jakinaraziko du biharamunean perimetroa itxita eta martxoaren 26an hartutako beste neurri murriztaileak indarrean izango dituzten udalerrien zerrenda
Txertaketa masiboa, martxan
Gaurtik aurrera txertaketa bizkortu egingo da Euskadin, horretarako prestatutako lau gune berrirekin Durangon eta Barakaldon (Bizkaia), Gasteizen eta Irunen (Gipuzkoa). Horietan AstraZeneca dosiak jarriko zaizkie 61 eta 65 urte bitarteko pertsonei.
Arabak bere hiriburuko Lakua pilotalekuan garatuko du txertaketa prozesua, eta gaurtik astelehenera 6.200 txerto inguru ematea aurreikusi du, Eusko Jaurlaritzako Osasun Saileko iturriek jakitera eman dutenez.
Bizkaian, Barakaldoko Bilbao Exhibition Centre (BEC) erakustazokaren instalazioak irekiko dituzte larunbatetik aurrera, egunean 5.000 dosi banatzeko gaitasunarekin.
201 kasu Nafarroan
Nafarroako Foru Erkidegoan 201 covid-19 kasu positibo berri izan dira azken 24 orduetan. Aurreko egunean izandako datuarekin (154) eta aurreko larunbatean jakinarazitako datuarekin (155) alderatuta, ia 50 kasuren igoera izan da.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.