Covid-19aren positibo berriak 564ra igo dira EAEn
Positibotasun-tasa % 9tik gertu kokatu da berriz Euskal Autonomia Erkidegoan (EAE), % 8,7an hain zuzen ere, joan den larunbatean behera egin ostean aurreko bi egunekin alderatuta.
Joan den igandean 6.514 proba diagnostiko egin zituzten autonomia erkidegoan, eta 564 pertsonak eman zuten positibo, aurreko eguean baino 73 gehiagok.
Kutsatze horietatik 245 Bizkaian atzeman ziren, 235 Gipuzkoan, 79 Araban eta bost erkidegotik kanpo bizi ziren pertsonetan.
Gipuzkoan eta Bizkaian, apur bat gehiago azken lurralde horretan, igo egin dira larunbatean diagnostikatutako kasuak, eta Araban, berriz, jaitsi.
Ospitaleen egoerari dagokionez, Eusko Jaurlaritzako Osasun Sailak atzo 55 pertsona ospitaleratu zituztela jakinarazi du, larunbateko kopuru bera.
Zainketa Intentsiboetako Unitateetako (ZIU) egoera egonkorra da, 97 gaixo baitaude egoera kritikoan, larunbatean baino bi gehiago.
Astearte honetan argitaratuko du Osasun Sailak 100.000 biztanleko 400 kasu edo gehiagoko intzidentzia metatua duten udalerrien eta, hala badagokio, probintzien zerrenda berria, asteazkenetik aurrera itxi beharko direnak eta murrizketa berriak jasango dituztenak, ostalaritzaren barrualdean, esaterako.
Aurreikuspenen arabera, Gasteiz izango da egoera horretan egongo den lehen hiriburua; izan ere, joan den asteazkenean, datu ofizialak dituen azken egunean, 399,8 kasuko intzidentzia metatua zuen.
Bilbok 379,5 kasuko intzidentzia metatua zuen, eta baliteke itxituratik gertu egotea. Probintzien kasuan, Araban soilik eragin dezake pandemiaren bilakaera txarrak, Aste Santuko jaiegunen aurretik 374 kasu baino gehiago baitzituen.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.