Kasu berriak eta ospitaleetako presioa murriztu egin dira Euskadin, baina positibotasun-tasak gora egin du
Euskadik 493 koronabirus kasu berri baieztatu ditu ostiral honetan, aurreko egunean baino 22 gutxiago, baina positibotasun-tasa % 9,6ra igo da. Testuinguru horretan, Euskal Autonomia Erkidegoko (EAE) ospitaleek 35 ospitaleratze berri izan dituzte, eta zainketa intentsiboetako unitateek 69 gaixo dituzte une honetan.
Eusko Jaurlaritzako Osasun Sailak zabaldutako oharraren arabera, azken orduetan gaitza atzemateko 5.146 proba diagnostiko egin dira. Datuak lurraldez lurralde aztertuta, 65 kasu berri baieztatu dituzte Araban, 260 Bizkaian eta 148 Gipuzkoan. Halaber, beste 20 positibo atzeman dituzte, EAEtik kanpo bizi diren pertsonen artean.
Azken orduetan zenatu dituzten 493 kasu berri horiek, egindako proba diagnostiko guztien % 9,6 dira, alegia, osteguneko positibotasun-tasarekin alderatuta ia puntu bat gehiago (% 8,7koa izan zen aurreko egunean). Gauzak horrela, positiboen kopuruak behera egin badu ere (aurreko egunean baino 22 kasu gutxiago), gaitza atzemateko test gutxiago egin dira.
Gipuzkoak 26 positibo gutxiago zenbatu ditu ostiral honetan, Bizkaiak sei gutxiago eta Arabak bat gutxiago. Euskaditik kanpo bizi diren pertsonen artean, berriz, ostegunean baino hamaika positibo gehiago izan dira.
EAEko ospitaleetan 35 pertsona ospitaleratu zituzten ostiral honetan, ostegunean baino zazpi gutxiago. Zainketa intentsiboetako unitateek, berriz, bosgarren jaitsiera eguna dute, eta 69 gaixo dituzte une honetan, aurreko egunean baino hiru gutxiago.
Bi hildako eta 113 positibo berri zenbatu dituzte Nafarroan
Bestalde, Nafarroan 113 covid-19 positibo berri zenbatu dituzte ostiral honetan, bezperan baino 26 gehiago, Nafarroako Lan eta Osasun Publikoko Institutuaren behin behineko datuen arabera. Gainera, bi pertsona hil dira covid-19ak jota azken 24 orduetan. Zifra honek azken hiru egunetako beheranzko joera apurtu du; izan ere, 100 kasutik behera zenbatu zituzten Nafarroan asteartetik ostegunera.
Azken orduetan kutsatutako pertsonen zifrak gora egin duen arren, duela astebete baino 42 kasu gutxiago eta duela bi aste baino 100 gaixo berri gutxiago daude gaur Foru Erkidegoan. Hortaz, intzidentziari dagokionez bederen, kutsatzeen erritmoa moteltzen ari da.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.