Gabonetako ekimenetan jende pilaketak saihesteko deia egin du Osasun Ministerioak
Ekitaldi publikoetan eta ekimen sozialetan, batez ere Gabonetan, jende pilaketak ekiditeko deia egin du Espainiako Gobernuaren Osasun Ministerioak.
Halaber, Afrika hegoaldetik iristen diren herritarren gaineko kontrol neurriak zorrozteko gomendatu du, gaur jakin den arren omikron aldaeraren lehen kasua Herbehereetan detektatu zela, ez Hegoafrikan.
Bi aholku horiek eman ditu Osasun Larrialdiak Koordinatzeko Espainiako Zentroak, "omikron aldaeraren kasuak hedatzeko arriskua handia" dela ohartarazita.
Testuinguru horretan, txertoaren hirugarren dosia jartzea oso garrantzitsua dela esan du, eta ohiko neurriak betetzea ezinbestekoa dela erantsi du: segurtasun tartea mantentzea eta musukoa erabiltzea, hain justu ere.
Ildo horretan, berretsi egin du hirugarren dosia emateko kanpainan 60 urtetik gorako pertsonek eta osasun sektoreko langileek lehentasuna izango dutela.
Oraingoz, Espainian aldaera berriaren lau kasu detektatu dituzte: bi Madrilen eta bi Katalunian.
Zure interesekoa izan daiteke
Gutxienez 68 pertsona hil eta ehundik gora zauritu dira Toledon, bi trenen arteko istripuan
Bi trenek talka egin dute Toledon, eta 68 pertsona hil dira
Bagoiak trenbidetik kentzeko lanean ari dira garabiak Toledon
Tren istriputik bizirik atera direnak: "Jendea eta eserlekuak hegan atera dira talka bortitzaren ostean"
Abiadura handiko trenbide sarean bederatzi hilabetean Espainian gertatu den bigarren istripua izan da gaurkoa, eta historiako larrienetakoa
Astelehenean Bilbon izandako istiluek 65.000 euroko kalteak utzi dizkiote Udalari
Sanchez: "Amaieraraino iritsiko gara; arduragabekeriaz jokatu bada, jakin egingo da"
Zer da LZB sistema eta zertarako balio du?
Irudi gogorrak Toledoko tren istripuan
