Osakidetza ebakuntzak egiten hasi da berriro
Gotzone Sagardui Osasun sailburuak astearte honetan jakinarazi duenez, Osakidetzako "zenbait ospitale nagusik" goizeko "jarduera kirurgikoaren % 80-100 inguru" berreskuratu dute. Halaber, operazioei arratsaldez berriro ekitea espero du, covid-aren pandemiaren "bilakaera onak" jarraitzen badu.
Gobernu Kontseiluaren osteko prentsaurrekoan Sagarduik azaldu duenez, bi dira arrazoi nagusiak: Batetik, Gabonetako oporren ostean langileak lanera itzuli dira eta antolakuntza neurriak medio, langile gehiago dago ebakuntza-geletarako. Bestetik, pandemiaren joera-aldaketak ere eragin zuzena izan du, sailburuaren esanetan.
Ildo horretan, intzidentzia metatuaren jaitsiera eta ospitaleratze berrien eta zainketa intentsiboetako unitateen gaixo kopuruaren gutxitzea aipatu ditu. Hala ere, Sagarduik ohartarazi du kutsatze, ospitaleratze eta hildako asko daudela oraindik; izan ere, azken astean 200 pertsona inguru hil dira koronabirusak jota.
100.000 biztanleko 14 eguneko intzidentzia-tasa metatua 4.289tik 3.993ra jaitsi da Euskadin azken orduetan, Osasun sailburuak azaldu duenez. Hala ere, 5.412 positibo berri atzeman dira egindako 13.507 proba diagnostikotan (7.695 igandean). Bestalde, R0 indizeak eta tasen arrazoiak, 1etik behera egon arren, gora egiten jarraitzen dute.
Datu horien aurrean, Sagarduik adierazi du "joera aldaketa" bat dagoela, baina zuhurtziaz jokatu behar dela; izan ere, "aurreikuspenak eta konparazioak gorabehera, motel doa jaitsiera" eta "kutsatze asko izaten jarraitzen du".
Zure interesekoa izan daiteke
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.