EAEko berrogeita hamar suhiltzaile baino gehiago Gaztela eta Leonera joan dira, baso-suteak kontrolatzen laguntzeko
Zehazki, Gaztela eta Leongo Juntak Eusko Jaurlaritzari laguntza eskatu ondoren hartu da neurria. Hala, bat egin dute suteak itzaltzen laguntzeko berriki bidalitako helikopteroarekin.
Euskal Autonomia Erkidegoko (EAE) 58 suhiltzaile Gaztela eta Leonera joango dira baso-suteak kontrolatzen eta itzaltzen laguntzeko, Gaztela eta Leongo Juntak Eusko Jaurlaritzari laguntza eskatu ondoren. Zehazki, foru-aldundiei zerbitzu ematen dieten Bizkaiko 42 suhiltzaile dira, Gipuzkoako 10 eta Arabako 6.
Bizkaitik, suteak itzaltzen adituak lur orotako hamar bat ibilgailutan joango dira Riaño ingurura, Leongo probintziako iparraldean, Europako Mendietako Parke Naturalaren baitan. Zehazki, profesional horiek Mendien eta Basalanen zerbitzuko kide dira. Halaber, handik gertu dagoen Boca de Huergano udalerrira joango dira.
Suteak kontrolatzeko eta itzaltzeko lanetarako, basoan aritzeko hainbat material izango dute eskura, hala nola bi ponpa, bi zisterna, lur orotako bi ibilgailu, aginte-ibilgailu bat eta furgoneta logistiko bat.
Halaber, motozerrak, su-zuziak edo sasiak garbitzeko robot bat ere izango dute. Era berean, operatiboa drone batekin indartuko da, behaketa-lanetarako eta jarduketen plangintzan aireko laguntza emateko.
Gipuzkoatik, esku hartzeko bi talde antolatu dira. Lan taktikoak, operatiboak eta koordinazio estrategikokoak gauzatuko dituzte. Hiru egunez egongo dira Boca de Huergano inguruan, eta Urola, Bidasoa eta Oriako parkeetako sei ibilgailurekin abiatu dira zonaldera.
Era berean, Arabako larrialdi zerbitzuko kideak baso-eremuetan suari aurre egiteko ibilgailu egokituekin joan dira Guardo udalerrira; ponpa-auto batekin eta hainbat irrati eramangarrirekin, oraindik piztuta dauden suteen kontrol-eta itzaltze-lanetan laguntzeko asmoz.
Eusko Jaurlaritzak eta foru aldundiek helikoptero bat bidali dute berriki, sua itzaltzeko lanetan laguntzeko helburuarekin.
Gizarteari buruzko albiste gehiago
Etxeko espetxealdia agindu dute Zizur Nagusian ustez emaztea hil zuen 85 urteko gizonarentzat
Auzitegiak ez du ihes-arriskurik ikusten, ezta frogak deuseztatzekoa ere, eta gainera ezagutza funtzioak kaltetuta dituela ebatzi du. Pultsera telematikoa jantzi beharko du, eta seme-alabek erabakiko dute zein etxetan biziko den.
Ia bi kilometroko auto-ilarak Txorierrin, Sondikatik Gurutzetara bidean, istripu baten ondorioz
Bestalde, A-15ean normaltasunera itzuli da zirkulazioa Hernanin. Aian, bi autok talka egin dute Zarautzerako noranzkoan, eta auto-ilarak daude. Zizurren, berriz, bost pertsona zauritu dira, tartean bi adingabe, goizaldean izandako istripu batean.
Faltzesko piloiko bigarren entzierroa, azkarra eta zirraragarria
Jose Maria Goñiren ganadutegia izan da protagonista Faltzesko bigarren entzierro honetan. Goizeko 09:00etan suizidia jotzearekin bat eman zaio hasiera etzierroari. Azkarra izan da, eta zauritu bat utzi du, anbulantzian ospitalera eraman dutena.
Juan Mari Aburto: "Txurdinagako eszenatokia prest zegoen eta Abandoibarrakoa ez, eta ez dut ikusten arrazoirik"
Bilboko alkatearen arabera, kontratatutako enpresak ez zuen bere lana bete, "denbora oso txarto kudeatu zuen", eta, ondorioz, lehen eguneko kontzertuak (Kai Nakai, Olatz Salvador eta Maren) bertan behera gelditu ziren Abandoibarran. Arazoak konponduta, igandeko kontzertuak normaltasunez eskaini ahal izan zituzten.
Hamaika lagun atxilotu dituzte igandean Bilboko Aste Nagusian, horietako bi indarkeria matxistagatik
Delitu gehienak San Nikolas inguruan eta Zazpikaleetan gertatu dira, eta lapurretekin eta desobedientziarekin lotuta zeuden.
Adineko gizon bat hil da Agurainen, tren batek harrapatuta
Ezbeharra igande arratsaleko lehen orduan gertatu zen eta Ertzaintzak ikerketa abiatu du gertakariaren arrazoiak argitzeko.
Suhiltzaile bat hil eta beste bat zauritu da Leonen, sute bat itzaltzeko lanetan
Hala, lau dira jada Iberiar penintsulan piztutako suteen ondorioz hildakoak, horietako hiru Leongo probintzian. Laugarren biktima asteartean hil zen Tres Cantosen (Madril), erreduren ondorioz.
Konfeti, dibertsio eta kolorezko itsaso batek Bilboko kaleak busti ditu Bali balearen desfilean
Aurten ere, kalejirak Kale Nagusia zeharkatu du balearekin, olagarroarekin, txirlarekin, bisiguarekin eta txangurroarekin; animalia basatien txotxongiloekin eta konpartsa tematikoekin batera. Amaieran, udal garbiketa dispositibo bat ingurua egokitzeaz eta sortutako hondakin guztiak garbitzeaz arduratu da.
Irri artean eman diote amaiera Piratek Donostiako Aste Nagusiari
Donostiako Aste Nagusia amaitu da ofizialki, baina Piratek bukaera propioa eman diote. 20 urte dira Irrikitaldia antolatzen dutela, parodiaz jositako desfilearekin festak agurtzeko. Belle Epoque-eko jantzi dotoreekin, urtean zehar hirian gertatu diren kontuak antzezten dituzte kritikaz eta umorez.