Mundua
2025/05/25 - 14:00
Gutxienez 12 hildako eta dozenaka zauritu Errusiak Kieven eta beste hiri batzuetan egindako eraso zabalean
Volodimir Zelenski Ukrainako presidenteak Errusiaren aurka irmotasunez jokatzeko deia egin die bakea nahi duten nazioarteko eragileei, asteburuko "eraso masibo" horren ostean.
2025/05/25 - 13:40
Ukrainako hainbat eskualde bonbardatu ditu Errusiak, azken asteetako erasorik handienean
Gutxienez 12 hildako eta 60 zauritu zenbatu dituzte. Ukrainako Barne ministroak salatu duenez, Errusiak misilak eta droneak erabili ditu, eta erasoen jomuga "zibilen etxebizitzak" izan dira. Errusiari "irmotasuna" erakusteko eskatu du Volodimir Zelenski Ukrainako presidenteak.
2025/05/25 - 11:53
Robot humanoideen arteko lehen boxeo lehiaketa prestatzen ari dira Txinan
Lehiaketa abenduan egingo dute, Shenzhen hirian (Txina hegoaldea). Engine AI robotika-enpresak modeloak hornitu eta horien kode irekia eskainiko ditu, parte-hartzaileek pertsonalizatu eta entrena ditzaten.
2025/05/25 - 11:20
Noboak agintaldi berria inauguratu du Ekuadorren, krimenaren aurkako ''gerra'' eta inbertsioak hitzemanda
2029ra arteko karguaren zina egin du Daniel Noboa estatuburuak larunbat honetan, apirilaren 13an izandako hauteskundeak irabazi ostean, bigarren itzulian Luisa Gonzalez hautagai "correista" garaituta. Gonzalezek "hauteskunde-iruzurra" salatzen jarraitzen du.
2025/05/25 - 07:00
'Madrilgo Taldea'k bilera egingo du gaur bi estatuen irtenbidea landu eta Gazako blokeoarekin amaitzeko
Europako eta arabiar herrialdeetako ordezkariek bilera egingo dute gaur Madrilen, Espainiako Gobernuak deituta, palestinarren eta israeldarren arteko "gatazkari irtenbide politikoa" emateko bidean urratsak egiteko, ekainaren erdialdean New Yorken egingo den goi-mailako konferentziaren atariko.
2025/05/24 - 18:12
Israelek 79 pertsona hil ditu Gazan, horietatik 9 ospitalean lanean ari zen pediatra baten seme-alabak
Guztira, ia 54.000 pertsona hil ditu Israelek bonbardaketen bidez Gazan, 2023 urriaren 7ko erasoen ondotik hasitako erasoaldian.
2025/05/24 - 15:30
Sanchez: "Gaza palestinarrena da eta palestinarrena izango da"
Espainiako Gobernuko eta Internazional Sozialistaren Kontseiluko presidenteak Gazako Zerrenda okupatzeko operazio militarra "berehala" gelditzeko eskatu dio Israeli, eta sozialdemokratei Israelen aurka altxatzeko eskatu die: "Gazako egoera onartezina da, ez gara isilduko".
2025/05/24 - 00:48
Guterresek ohartarazi du palestinarrek gatazkaren faserik "krudelena" bizi dutela Israelen blokeoa dela eta
NBEko idazkari nagusiak esan du orain arte baimendutako laguntza guztia "koilarakada txiki bat" baino ez dela, Gazan behar dena "laguntza oldea" denean.
2025/05/23 - 23:29
Hamabi zauritu Hanburgon, emakume batek labanaz eraso egin ostean
Alemaniako prentsaren arabera, erasoaren egilea 39 urteko emakume bat da, bakarrik aritu da, eta dagoeneko atxilotu dute. Zaurituetako hiru oso larri daudela jakitera eman dute. Horretaz gain, beste hiru pertsona larri daude eta gainerakoen zauriak arinak dira.
2025/05/23 - 22:22
Sebastiao Salgado brasildarra, fotokazetaritzaren nazioarteko erreferentea, 81 urterekin zendu da
Minas Gerais estatuan jaio zen 1944an, eta mundu osoan egin zen ezagun, gatazkak eta gizateriaren drama nagusietako batzuk zuri-beltzean islatzen zituelako bere argazkietan.
2025/05/23 - 21:14
Harvardeko atzerriko matrikulazioak eteteko Trumpek emandako agindua geldiarazi du auzitegi batek
Massachusettseko auzitegi federal batek bertan behera utzi du ostiral honetan ikasle atzerritarrak Harvardeko Unibertsitatean matrikulatzearen aurka Etxe Zuriak jarritako debekua, hezkuntza erakundeak berak ordu batzuk lehenago aurkeztutako mozioa onartu ondoren.
2025/05/23 - 20:24
Errusiak eta Ukrainak 780 preso trukatu dituzte
Errusiak eta Ukrainak alderdi bakoitzeko 270 militar eta 120 zibil trukatu dituzte, joan den astean bi herrialdeek 2.000 preso trukatzea hitzartu ondoren.
2025/05/23 - 17:04
Trumpek iragarri du Kievek eta Moskuk orain arteko preso truke handiena egin dutela
Ukrainak eta Errusiak, baina, ez dute horrelakorik baieztatu. Duela astebete 2.000 preso trukatzeko akordioa adostu zuten.
2025/05/23 - 16:08
Ekainetik aurrera % 50eko muga-zerga ezartzeko mehatxua egin dio Trumpek EBri
Etxe Zuriko maizterra ziur agertu da Europar Batasunak ez duela azkenean muga-zergarik ordaindu beharko, "enpresak bidali eta lantegiak AEBn eraikiko dituelako". Europako burtsa nagusiek galerak izan dituzte gaurko saioan, Trumpen mehatxuen ondorioz.
2025/05/23 - 15:30
Hamasek txalotu egin du 80 herrialdek Gazako "genozidioa" salatzeko sinatutako adierazpena
Hamas mugimendu islamista palestinarrak Gazako Zerrendaren aurkako "setioa" amaitzeko "presio eraginkorra" egiteko eskatu die herrialde sinatzaileei.
2025/05/23 - 10:33
Trumpen gobernuak ikasle atzerritarrak matrikulatzea debekatu dio Harvard Unibertsitateari
Bestalde, AEBko Administrazioak Eskubide Zibilen Lege Federala urratzea leporatu dio New Yorkeko Columbia Unibertsitateari, "ikasle juduek haien aurkako jarrerei aurre egin behar izan baitiote, eta unibertsitateak ez du ezer egin".
2025/05/23 - 09:19
Netanyahu: "'Palestina aske' 'Heil Hitlerren' egungo bertsioa da"
Halaber, esan du agintariek "Hamasen propaganda" irentsi dutela, "Israel ume palestinarrak gosez hiltzen ari dela esaten duena", hain zuzen ere.
2025/05/22 - 20:32
2 hildako eta 8 zauritu San Diego hirian, hegazkin bat auzo batean erori ostean
Kalifornian goizaldeko 03:45 zirenean izan da ezbeharra. Ondorioz, sute bat sortu da, auzoa ebakuatu behar izan dute eta inguruko errepideak itxi dituzte. Hainbat etxe eta auto kaltetu dira.
2025/05/22 - 19:01
Israelek Gazako iparraldetik alde egiteko agindu die berriro palestinarrei
Aginduak Beit Lahiako 14 auzori, Jabaliari eta Zerrendako eskualde horretako hainbat herriri eragiten die. Israel erasoaldi latza egiten ari da eremu horretan.
2025/05/22 - 18:31
Israelek Washingtonen duen enbaxadako bi langile hil dituzte, tiroz
Hilketaren ustezko egileak, Chicagoko 30 urteko gizon batek, "Palestina askatu" oihukatu du atxilotu duten unean. Israelgo presidenteak "gorroto eta antisemitismo ekintza arbuiagarritzat" jo du hilketa.