EAJk 32 legebiltzarkide lortuko lituzke U12ko hauteskundeetan
EAJk irabaziko lituzke uztailaren 12ko EAEko hauteskundeak, emaitza historikoarekin irabazi ere (1984tik lortutako onena), EH Bilduren eta PSE-EEren aurretik, nahiz eta horiek ere ordezkari kopuruan gora egin. Hogeita bigarren EiTB Focusen datuak dira. EiTB Taldeko makroinkestak EAEko hauteskundeei buruz galdetu die herritarrei oraingoan.
Iñigo Urkullu lehendakariak hauteskundeak deitu ondoren boto-asmoaren berri izateko egin den bigarren inkesta da EiTB Focus hau. Hauteskundeak apirilaren 5ean ziren egitekoak, baina, COVID-19aren osasun-krisiaren ondorioz, bertan behera utzi zituzten.
EAJk irabaziko lituzke hauteskundeak, 2016an baino lau eserleku gehiago eskuratuta, eta 1984an lortu zuen emaitza onena berdinduko luke. EH Bilduk bigarren postuari eutsiko lioke, Gipuzkoan beste ordezkari bat erdietsita. PSE-EE Eusko Legebiltzarreko hirugarren indarra izatera pasatuko litzateke 11 legebiltzarkiderekin.
Elkarrekin Podemos–IUk ez luke beherakada gelditzea lortuko, eta hiru eserleku galduko lituzke. PPk, berriz, Espainiako eskuindarren historiako emaitza kaskarrena lortuko luke Ciudadanosekin koalizioan. Voxek eta Equo Berdeakek ez lukete ordezkaririk lortuko, % 61eko parte-hartzea aurreikusten den hauteskundeotan.
EAJk eta PSE-EEk gehiengo oso nabarmena izango lukete Jaurlaritzako koalizioa errepikatzea erabakiz gero, baina Legebiltzarreko hiru alderdi ezkertiarrek, EH Bilduk, PSE-EEk eta Elkarrekin Podemos – EBk ere Eusko Legebiltzarraren erdia baino gehiago pilatuko lukete.
EAJ irabazle hiru lurraldeetan
Inkestaren arabera, EAJ Euskal Autonomia Erkidegoko hiru lurraldeetan izango litzateke garaile. Hala, EAJk inoizko emaitza onena lortuko luke Araban bi ordezkari gehiagorekin, EH Bilduk bigarren postua kenduko lioke PPri, PSE-EE bosgarren postutik hirugarrenera igoko litzateke eserleku bat gehiagorekin, eta Elkarrekin Podemos–IUk bost puntu galtzea espero da. PP-Ciudadanos koalizioak botoen erdia eta bi legebiltzarkide galduko lituzke.
Bizkaian EAJk bere hegemonia indartuko luke 11 eserlekutik 12ra igota botoen % 45ekin. EH Bilduk bost ordezkariei eutsiko lieke botoen % 17rekin. PSE-EEk, ia hiru puntuko igoerarekin, ordezkari bat gehiago lortuko luke. Elkarrekin Podemos–IU laugarren postura jaitsiko litzateke, ordezkari bat galduta, eta PP-Ciudadanos koalizioak legebiltzarkide bakarra eskuratuko luke.
Gipuzkoan ere EAJk irabaziko luke, 10 ordezkarirekin, baina EH Bildu gertu izango luke bigarren lekuan, legebiltzarkide bat gehiago eskuratuko bailuke. PSE-EEk hiru ordezkariei eutsiko lieke, baina boto-asmoan gora eginda. Elkarrekin Podemos–IUk bost puntu egingo luke behera, legebiltzarkide bat galduta. PP-Ciudadanos koalizioak botoen % 5 lortuko lituzke soilik, ordezkari bakarra.
Uztailaren 12ko hauteskundeetako parte-hartzea % 61ekoa izango litzateke; eta abstentzioaren datua duela lau urtekoaren antzekoa izango litzateke. 2016ko hauteskundeetan parte-hartzea oso antzekoa izan zen, puntu bat txikiagoa, U12rako EiTB Focusek aurreikusi duenarekin alderatuta.
Hautagaien balorazioari dagokionez, Iñigo Urkulluk eta Maddalen Iriartek gainditu dute, eta Idoia Mendia gertu dago; Miren Gorrotxategiri, Jose Ramon Becerrari eta Carlos Iturgaizi 'gutxiegi' jarri diete herritarrek.
Eusko Jaurlaritzak eta Espainiako Gobernuak koronabirusaren krisiaren aurrean egin duten kudeaketaz galdetuta, herritarrek 6,13ko puntuazioa eman diote Jaurlaritzari Pedro Sanchezen Gobernuaren kasuan, 5,64ko puntuazioa jaso du.
Fitxa teknikoa
EAEn bizi diren 1.200 pertsona (Araban 400; Bizkaian 400; Gipuzkoan 400).
La= ±% 2,83, konfiantza-maila % 95, p=q=0´5, EAEko datuetarako.
Lurralde, udalerri, sexu eta adinaren arabera geruzatutako zorizko lagina.
Inkesten % 23,9 euskaraz egin dira, eta gainerako % 76,1, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko ekainaren 17an eta 18an egin zuten telefonoz elkarrizketak eginez. Galdeketen batez besteko iraupena 3,56koa izan zen: motzenak 3 minutu iraun zuen, eta luzeenak, 10 minutu.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.