Txertaketa masiboa martxan jartzeko eskatu dio Otegik Jaurlaritzari
Arnaldo Otegi EH Bilduko koordinatzaileak koronabirusaren aurkako txertaketa "masiboa" bultzatzeko eta euskal herritarrak emozionalki erreskatatzeko eskatu dio Jaurlaritzari, "nekatuta" eta "nahastuta" baitaude.
Pandamiaren aurrean EAEren eta Nafarroaren jarrera zein izan den errepasatu eta balantzea egiteko agerraldi telematikoa egin du Otegik asteazken honetan, eta Nafarroa ez bezala, EAE txerto gutxien jartzen dituen autonomia erkidegoa dela kritikatu du.
Era berean, "txertoak ez gordetzeko" eskatu dio Jaurlaritzari, gaur gaurkoz koronabirusaren aurkako "erantzun" eraginkor bakarra txertoa delako; izan ere, alarma egoerak beharrezkoak direla iritzi dio, baina pandemia ez dutela konpontzen uste du.
Otegiren arabera, herritarrak "nekatuta" eta "nahastuta" daude neurri murriztaileen ondorioz, "ez baitakite zer egin". Hori dela eta, herritarren "erreskate emozionala" eskatu die arduradun politikoei.
"Jendeari konfiantza eman behar zaio, ez zaizkio datuak ezkutatu behar eta ez dira adin txikikoak bezala tratatu behar", azaldu du buruzagi abertzaleak, eta EAEk, "munduan eskumen gehien dituen erkidegoetako bat kontsideratzen denak neurriak hartzeko tresnarik ez izatea" kritikatu du.
Amaitzeko, bere txertaketa-ziurtagiria erakutsi du, eta adierazi du arduradun politikoek, jendeari txertoa jarri behar zaiola esateaz gain, beraiek egin behar dutela, tokatzen zaienean.
Zure interesekoa izan daiteke
Ekain Rico (PSE): "EAJk ke-pantailak sortu ditu: bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" edo "gehiegizko antzeztapenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.