Klima aldaketaren aurka "marketina nahikoa ez" dela ohartarazi du Iriartek
Maddalen Iriarte EH Bilduko bozeramaileak Eusko Jaurlaritzaren ingurumen politikak kritikatu ditu larunbat honetan. "Marketina ez da nahikoa egoerari buelta emateko" eta klima aldaketaren aurkako borroka zein trantsizio energetikoa bultzatzeko, ohartarazi duenez.
"Segundo bat galdu barik aurre egin beharreko arazo larria da; jasangarritasunaz asko hitz egiten ari delako, baina pauso eraginkorrik eman ez dugula diote adierazle nagusiek", defendatu du koalizioko bozeramaileak.
Araian (Araba) egindako ekitaldian, munduko biztanleria euskal herritarrak bezala biziko balitz 2,5 planeta beharrezkoak liratekeela ohartarazi du EH Bilduko bozeramaileak. Ane Unanue Irungo zinegotziak eta Txelo Auzmendi Asparrenako alkateak Iriarte lagundu dute.
Berotegi efektuko gasen isuriak mahai gainean jarri ditu Iriartek, Eusko Jaurlaritzaren ingurumen politika kritikatzeko. Euskal Autonomia Erkidegoan "ez dira behar beste murriztu", nabarmendu duenez. "Urkulluren Gobernuak ez du ezer egin prozesua bizkortzeko", errepikatu du.
Iriarteren ahotan, 1990etik "isuriak % 10 soilik murriztu ditugu, Europako batez bestekoa % 23koa denean". Gainera, EAEn ekoizten diren energia berriztagarriak % 10 baino ez dira, eta inportatutako materialenganako menpekotasun "ikaragarria" azpimarratu du, horien artean, erregai fosilen inportazioak aipatu ditu.
"Honen guztiaren ondorioa: azaleko urak oso egoera txarrean daude, gure herriko bioaniztasuna kezkagarria da, eta zabor ugari sortzen ditugu", salatu du. "Arazo globala da, baina Euskal Herritik heldu behar diogu", erantsi duenez.
Bestalde, Auzmendik adierazi duenez, Asparrena "autosufizientzia energetikorantz pausoak" ematen ari da. 2002an zentral hidroelektrikoa martxan jarri zuten, udalerriarentzako energia ekoizteko, baita panel fotovoltaikoak ere, gogorarazi duenez. Kiroldegiaren geotermiak behar duen kontsumo elektrikoa asetzeko panel fotovoltaiko gehiago jartzea aztertzen ari dira orain.
Zure interesekoa izan daiteke
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.