Prozesu soberanista "aldebakartasunetik" abiatzea eskatu du Lakuntzak
Mitxel Lakuntza ELA sindikatuko idazkari nagusiak prozesu soberanista "aldebakartasunetik" abiatzearen alde egin du gaur, eta estatus politiko berriaren inguruan itzulinguruka ibiltzeari uzteko eskatu dio EAJri, jeltzaleek erabakitzeko eskubidearen harira duten jarrera "distrakzio politikoa" besterik ez dela iritzita. Halaber, PSE-EErekin gai horren inguruan "eztabaida abiatzeko" eskatu dio EAJri; izan ere, "Madrildik zentralizazioa praktikatzen duen alderdi bera da" (PSOEri aipamen eginez).
Lakuntzaren ustez, covid-19ak eragindako pandemiaren kudeaketan agerian geratu da "autogobernuak gaur egun dituen bitartekoen falta, EAEn zein Nafarroan, eskumenen ikuspegitik". Testuinguru horretan, Espainiako Gobernutik "beti aginte bakarra" gailentzen dela azpimarratu du.
ELAk "subiranotasuna bere alderdi guztietan" defendatzen duela nabarmendu ostean, EAJk eta Iñigo Urkullu lehendakariak "baliabide faltaren aurrean" ahotsa altxatu beharrean, aldebikotasunaz hitz egitea deitoratu du, "fikzioa" delakoan. "Zure hauteskunde programaren oinarria ezin da gezur hutsa izan", ohartarazi du Lakuntzak.
Hori dela eta, "autogobernua eta erabakitzeko eskubidea aldebakartasunaren bidetik defendatzeko beharra" azpimarratu du, "demokratikoki Estatuarekin aurrez aurre jartzeko". Ildo horretatik, "herritarrei lurralde honetan gertatzen ari dena esateko" deia egin du, "eskubideak eta eskumenak galtzen ari direla jabetu daitezen".
Horrez gain, uztailean, Urkullu Sanchezek deitutako Presidenteen Biltzarrera joan izana kritikatu du ELAko idazkari nagusiak, "politika errealean aginte bakarra ezartzen ari direnean, eta Estatutua bere osotasunean bete ez dutela 40 urte baino gehiago igaro direnean".
"Autogobernuaren ikuspegitik, gaur egungoa baino egoera hobeago batera eramango gaituen burujabetza prozesu baten aldeko apustua egiten dugu, baina horretarako, kasu honetan, gaur egun ez dagoen konfrontazio demokratiko eta politiko baketsu baten alde egin behar da", azpimarratu du Lakuntzak.
"EAJk esaten duenetik harago, egiten duenari erreparatu behar zaio. Duela zortzi urte abiatu zuen estatus politiko berriari buruzko eztabaida; zortzi urte itzulinguruka ibiltzen, eta gaia distrakzio politikorako elementu gisa erabiltzen", gaineratu du idazkari nagusiak.
Kataluniako egoerari dagokionez, Lakuntzak esan du aldebakartasuna ezin dela Kataluniako independentismoaren bidetik galdu, Espainiar Estatuak ez duelako "erabakitzeko eskubidea edo autodeterminazio erreferenduma bezalako eztabaidarik abiatu nahi".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.