Hezkuntza Legea onartu dute Legebiltzarrean, euskal hezkuntza sistema datozen 20 urteetan arautuko duen testua
Eusko Legebiltzarrak gaur onartu du Euskal Autonomia Erkidegoko Hezkuntza Legea, euskal hezkuntza sistema datozen 20 urteetan arautuko duen testua. Aurreikuspenak bete dira eta EAJren eta PSE-EEren aldeko botoekin bakarrik atera da aurrera, oposizioko talde guztiek (EH Bildu, Elkarrekin Podemos-Ezker Anitza kontra bozkatu baitute.
Gaurko osoko bilkuran, oposizioko talde parlamentarioek araua kritikatu dute.
Jose Manuel Gil Ciudadanoseko legebiltzarkideak adierazi duenez, gaur onartutako Hezkuntza Legea "txarra" da eta aurrekoa "hobea" zela aldarrikatu du. Gaineratu duenez, testua "kutsatuta" dago EH Bilduren zuzenketekin eta uste du hobe izango zela "prozesu berri bat" abiatzea.
Amaia Martinez Voxeko legebiltzarkide bakarraren esanetan, koalizio gobernuaren Hezkuntza Legea da, "berea bakarrik", nahiz eta EAJk eta PSE-EEko EAEko herritarren erdia baino apur bat gehiago ordezkatzen duten.
Carmelo Barriok (PP) azpimarratu du lege "txarra" eta "negatiboa" izango dela, benetako hezkuntza beharrak beteko ez dituela iritzita. Horren ustez, ikasle euskaldunei eta baliabide ekonomikoak dituztenei bakarrik bermatuko die arrakasta. "Ez da Hezkuntza Lege bat, hizkuntza politikako lege bat baizik", gehitu du.
Miren Gorrotxategi Elkarrekin Podemos-Ezker Anitza talde parlamentarioko bozeramailearen arabera, euskal hezkuntza sistema hobetzeko "aukera galdu" da, sistemaren arazoei aurre egin beharrean "betikotu" egingo dituelako. "Europako hezkuntza sistemarik pribatizatuena daukagu eta betikotu egingo du segregazioa", gaineratu du.
Maria Jesus San Jose PSE-EEko legebiltzarkidearen iritziz, sozialistek tinko eutsi diete beren eskariei, eta hezkuntza eraikuntza nazionalera bideratzea eragotzi dute.
EH Bildutik Ikoitz Arrese legebiltzarkidearen arabera, koalizio gobernuaren "porrota" da legea EAJren eta PSE-EEren botoekin bakarrik onartzea. Halaber, EH Bildu Hezkuntza Legearen testutik "baztertu" dutela kritikatu du.
Gorka Alvarez EAJren talde parlamentarioaren izenean esan du gaurkoa "egun garrantzitsua" dela euskal hezkuntza sistemarentzat, lege berriak "datozen hamarkadetako hezkuntza erronkei aurre egiteko bidea errazten duelako". Gainera, EH Bilduri erantzun dio "gustatu ala ez" lege hori beraiekin adostutakoa dela.
Luzea izan da legeak egindako bidea, baita malkartsua ere. 2022ko apirilaren 7an Eusko Legebiltzarrak etorkizuneko Hezkuntza Legearen oinarriak onartu zituen, hezkuntza ituna sinatu zuten lau taldeen aldeko botoei esker (EAJ, EH Bildu, PSE-EE eta Elkarrekin Podemos-IU). PP, Ciudadanos eta Vox hasieratik agertu ziren legearen kontra, "nazio eraikuntzarako" erabili nahi zela argudiatuta.
Legebiltzarreko tramitazioaren hasieran adostasun maila handia bazen ere, bidean babesak galtzen joan da lege testua. Elkarrekin Podemos-IU izan zen akordiotik kanpo geratzen lehena, eta ituna haustea egotzi zion Jaurlaritzari. Azken hilabeteotan heldu da EH Bilduren ezezkoa, EAJk eta PSE-EEk araudiaren hitzaurrean hizkuntza ereduei buruz sartu duten aipamena tarteko. Hala, oposizioak salatu du legeak hizkuntza ereduak betikotzen dituela eta hezkuntza publikoa lehenesten ez duela.
Gasteizko ganberatik kanpo, Kontseilua, Eskola Publikoaz Harro, eta euskalgintzako beste eragile batzuk ere azaldu dira legearen kontra. Hain justu, Euskal Herrian Euskaraz eta Euskal Eskola Publikoaz Harro taldeek elkarretaratze bana egin dute Legebiltzarraren atarian.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.