Sanchezek uztailaren 9an agerraldia egitea proposatu du, baina bazkide gehienek lehenago izatea nahi dute
Bestalde, PPk aste honetan bertan izatea nahi du. Espainiako Gobernuak azaldu duenez, uztailaren 9a da Sanchezek libre duen lehen data, dagoeneko nazioarteko hainbat konpromiso dituelako agendan; zehazki, NATOren goi-bilera ekainaren 24an eta 25ean eta Europako Kontseilua 26an eta 27an.
Pedro Sanchez Juntseko ordezkariekin bildu da gaur. Argazkia: EFE
Talde parlamentario sozialistak Pedro Sanchez Espainiako Gobernuko presidenteak uztailaren 9ko osoko bilkuran agerraldia egitea proposatu du Kongresuko Bozeramaileen Batzordean, besteak beste, Koldo auziari buruz hitz egiteko. Hala ere, bazkide parlamentario gehienek lehenago izatea nahi dute. PPk, aldiz, beste bilera bat eskatu du presidentearen agerraldia aste honetan bertan izan dadin.
Parlamentuko iturriek jakitera eman dutenez, Espainiako Gobernuak azaldu du uztailaren 9a dela Sanchezek libre duen lehen data, eta dagoeneko agendan nazioarteko hainbat konpromiso dituela. Agerraldi horretan, presidenteak Koldo auziari buruzko azalpenak emango ditu, baina baita NATOk ekainaren 24an eta 25ean eta Europako Kontseiluak ekainaren 26an eta 27an egindako goi-bilerei buruzkoak ere.
Miguel Tellado PPko bozeramaileak prentsaurrekoan adierazi duenez, bere taldeak aste honetako osoko bilkuraren gai-zerrenda aldatzea proposatu du, Espainiako gobernuburuak agerraldia egin zezan osteguneko saioa amaitu ostean, baina PSOE, EH Bilduren babesarekin, aurka agertu da.
Telladok eskerrak eman dizkie Vox, ERC, Podemos, EAJ eta Juntsi proposamenarekin bat egiteagatik, EH Bilduren jarrera gaitzetsi du eta Sumarren "epelkeria" deitoratu du.
Veronica Barbero Sumarreko bozeramaileak azaldu duenez, Espainiako Gobernuko presidente batek agenda lepo izan dezake, "egun batetik bestera aldaketak egiteko aukerarik ematen ez diona", baina ez luke hiru aste behar "presidenteak berak eskatu duen eta herritarrak zain dauden" agerraldi bat egiteko.
EAJk, bere aldetik, agerraldia "ahalik eta lasterren" egitea nahi du. Jeltzaleek ulertzen dute Sanchezek aste honetan inbestidurako bazkideekin bilera-sorta duela, eta PPk ez duela bere agenda markatu behar, baina ez datoz bat gobernuburuaren azalpen publikoak uztailaren erdialdera ematearekin.
X sare sozialean zabaldutako mezu batean, Gabriel Rufian ERCko bozeramaileak ironiaz esan du Sanchezek ezin duela "berehala" agertu nazioarteko konpromisoengatik, eta Espainiako Gobernuan "nazioarteko agenda hori betetzen jarraitzeko presidente izaten jarraitu behar duela ulertu beharko lukete".
Sanchez Parlamentuaren kontroletik ihes egiten duen "gaizkilea" dela esan du Telladok. Azaldu duenez, Bozeramaileen Batzordearen ezohiko bilera bat eskatu dute, Koldo auziari eta joan den astera arte PSOEko Antolakuntza idazkari izan zen Santos Cerdanen ustezko inplikazioari buruzko osoko bilkura berezi eta monografiko bat behartzen saiatzeko.
Prentsaurrekoan, Patxi Lopez Behe Ganberako bozeramaile sozialistak defendatu du uztailaren 9a dela presidentearen agendan eskuragarri dagoen lehen eguna, datozen asteetan NATOren goi-bilerara, Europako Kontseilura eta ekainaren 30etik uztailaren 3ra Sevillan egingo den Garapenerako Finantziazio Biltzarrera joan behar delako.
Hala ere, Kongresuko gainerako talde parlamentarioek PPk eskatutako ezohiko bozeramaileen batzordean bestelako borondatea adierazten badute, PSOEk haiekin eztabaidatuko duela esan du.
Politikari buruzko albiste gehiago
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.
Eusko Jaurlaritzak espero du Estatuak "borondate politikoa" izatea "hartutako konpromisoak" egin egin daitezen
Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.
Gizarte Segurantzaren lehen blokearen balizko eskualdatzea “transferentzia oso mugatua, leihatila aldatzea” dela uste du ELAk
Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.