Espainia

2025/01/30 - 20:16

Parisko eraikina Estatuari itzultzea eskatzen duen Abascalen eskutitz bati erantzun dio Ortuzarrek

Zehazki, eskuin muturreko alderdiko buruzagiak gutunak bidali dizkie Espainiako Gobernuari, EAJri eta Cervantes Institutuari, besteak beste. Abascalen gutuna "hanka-sartzeetan gezurretan bezain emankorra" dela dio EBBko presidenteak.

2025/01/30 - 10:10

KPIa bi hamarren hazi da urtarrilean, % 3ra arte, erregaien eta argindarraren igoeragatik

Bestalde, azpiko inflazioa bi hamarren jaitsi da urtarrilean, % 2,4raino.

2025/01/29 - 21:02

Lan Ministerioak UGT eta CCOO sindikatuekin adostu du gutxieneko soldata 50 euro igotzea, 1.184 eurora arte

Yolanda Diaz Lan ministroak eskerrak eman dizkio CEOE patronalari negoziazioan egindako ekarpenengatik, nahiz eta azkenean ez duten hiruko akordiorik itxi.

2025/01/29 - 19:58

Mouliaa auziko epaileak Errejonen aurka irekitako barne ikerketa eskatu dio Sumarri

Eta, Errejonek eskatuta, urtarrilaren 17an epailearen aurrean deklaratu eta hurrengo egunean emandako elkarrizketagatik aktoreari ordaindu zitzaizkion zenbatekoei buruzko informazioa eskatu die hainbat produktoreri, baita beste elkarrizketa batzuengatik sinatutako kontratuei buruzkoa ere.

2025/01/29 - 19:25

PPk baiezko botoa emango dio ezkutu sozialaren dekretu berriari

Hala iragarri du Espainiako Gobernuak Juntsekin egindako itunaren ostean. Testu berri horretan, dagoeneko adostasuna eragiten zuten neurriak jasotzen dira, hala nola pentsioen balioa handitzea edo garraiorako laguntzak, eta PPk kontra egin duen beste batzuk.

2025/01/29 - 14:46

Estatuko fiskal nagusiak Auzitegi Gorenean ukatu egin du Ayusoren bikotekidearen informazioa filtratu izana

Ordu eta erdi iraun duen galdeketan, Alvaro Garcia Ortizek bere abokatuaren galderei soilik erantzun die. Halaber, nabarmendu du segurtasun arrazoiak direla eta telefono mugikorreko edukiak ezabatu egiten dituela.

2025/01/29 - 11:58

Espainiako ekonomia suspertu egin da 2024an, eta % 3,2ko hazkundearekin itxi du urtea

Espainiako ekonomiak 2023an baino bost hamarren gehiago egin zuen aurrera, kontsumoak eta inbertsioak bultzatuta. Laugarren hiruhilekoan, urte arteko BPGa % 3,5 hazi zen, eta enplegua, berriz, % 2,3.

2025/01/28 - 21:07

Dekretu berriak "ezkutu sozialaren neurri ia guztiak" izango ditu, Sanchezen arabera

Konfiantza galdeaz itaunduta, presidenteak esan du "Gobernuak ez duela beharrezkoa ikusten", eta gogorarazi du bere eskumena dela. Hala ere, Juntsek uste du "eztabaida egin" behar dela Kongresuan eta jakinarazi du "aukera izan bezain laster aurkeztuko" duela.

2025/01/27 - 22:15

Ekonomia eta Lan Ministerioek lanaldiaren murrizketa presazko bidetik izapidetzea hitzartu dute

Lan Ministerioak adierazi duenez, Ekonomia Ministerioak onartu egin du azkenean Yolanda Diazek eta CCOO eta UGT sindikatuek adostutako testua, aldaketarik gabe.

2025/01/23 - 20:32

Pentsioen dekretua indargabetuta jarraituz gero, pentsiodunak kalera aterako dira otsailaren 22an

Estatu osoko pentsiodunen mugimenduek otsailaren 20ra arteko tartea emango diote Espainiako Gobernuari "dagoeneko aplikatzen ari zena berrezartzeko benetako borondaterik eta erantzukizunik egon den ikusteko, lege-dekretu bidez edo egoki deritzoten beste modu batzuen bidez".

2025/01/22 - 21:29

Sabadell bankuak Alacant utzi eta bere egoitza Kataluniara itzultzeko erabakia ofizialki hartu du

Salvador Illa Kataluniako Generalitateko presidenteak esan du "albiste ona" dela. Carlos Mazon Valentziako Generalitateko presidenteak, aldiz, erabakia "ahultasun eta akzioak erosteko eskaintza oldarkor baten testuinguruan" kokatu du.

2025/01/22 - 19:35

BJKN epaileak Mouliaari egindako galdeketan izandako jokabidea aztertzen ari da, 900 kexa jaso ditu eta

Botere Judizialaren Kontseilu Nagusiak informazio-eginbide bat abiatu du. Informazio-eginbidea ebatzi eta gero, espedientea ireki ala ez erabakiko dute.

2025/01/22 - 18:54

Zer gertatuko da pentsioekin eta LGSarekin PPk, Voxek eta Juntsek omnibus dekretua atzera bota ostean?

Urtarrilean pentsioen zenbatekoa % 2,8 igoko da, baina otsailean murriztu egingo dira, Gizarte Segurantza Ministerioak baieztatu duenez. Era berean, lanbidearteko gutxieneko soldata (LGS) 2023ko mailara itzuliko da, hau da, hilean 1.080 euro.

2025/01/21 - 19:58

Sanchezen Gobernuak AEBrekin konfrontazioa saihestu du, Trumpek Espainia BRICS taldeko kidetzat jo ostean

Espainiako Gobernuak talka saihestu nahi izan du, eta "bazkide fidagarria" dela eta AEBrekin harreman estrategikoa izaten jarraitzeko ahal duen guztia egingo duela adierazi du. "Bistan da Espainia ez dela BRICS taldeko kidea", esan du Pilar Alegriak.

2025/01/21 - 17:46

Euskal pentsiodunen arabera, erreforma berriak "ez die erantzuten premiazkoenak diren eskaerei"

Ministroen Kontseiluak Errege Dekretua onartu du gaur. Euskal Herriko Pentsiodunen Mugimenduak salatu duenez, "pentsio publiko duinak eta nahikoak bermatuko dituzten erabaki esanguratsuak hartu beharrean, erabaki partzialak hartu dira".

2025/01/21 - 14:28

Juana Rivasek senar ohia salatu du nazioarteko indarkeria bikarioagatik

Salatzaileak Francesco Arcuri bikotekide ohia tratu txar emaile gisa definitu du, eta bere bi semeen aurka egindako indarkeriako egoerak ere kontatzen ditu.

2025/01/21 - 10:21

Trump nahastu egin da eta Espainia BRICS taldeko kidetzat jo du

Etxe Zuriko Bulego Obaletik egin duen lehen hitzaldian, kazetari baten galderari erantzunez, Espainiari erreferentzia egin dio, NATOren aurrekontuari egiten dion ekarpen baxua kritikatuz.

2025/01/20 - 18:17

Errejonek azaldu zuen dimisioa eman zuela inkoherentea zelako bere burua defendatzea eta Sumarren jarraitzea

Elisa Mouliaa aktoreak, aldiz, epailearen aurrean esan zuen diputatu ohiak "hotz" jokatu zuela eta salaketa jartzeko denbora behar izan zuela "beldurragatik". "Nik hanka egin nuelako gelditu zen", argitu zuen.

2025/01/20 - 12:14

Gorenak Estatuko fiskal nagusiaren mezuak berreskuratzeko laguntza eskatu die WhatsApp eta Googleri

Espainiako Guardia Zibilaren Operazio Unitate Zentralak (UCO) ez du mezurik aurkitu Garcia Ortiz fiskal nagusiari konfiskatutako gailuetan, eta horregatik erabaki du instrukzio epaileak WhatsApp eta Googlera jotzea.

2025/01/19 - 18:03

Pedro Sanchezen esanetan, Espainia ezin hobeto doa, eta gutxieneko soldata igoko dutela agindu du

Sanchezen ustez, Espainiako ekonomiak "neoliberalismoaren hondoratzeari eta sozialdemokraziaren berpizteari esker" egin du bira. "Pribatizazioak zeuden tokian ongizate-estatua indartzen ari da, eta enpleguaren prekarizazioa izan zen tokian lan-erreforma bat dago", esan du.