Ostalaritzari ezarritako mugak bertan behera uztea proposatu du orain Ministerioak
Espainiako Gobernuaren Osasun Ministerioak atzera egin du. Joan den astean, ostalaritza eta gaueko aisialdia arautzeko Osasun Sistema Nazionaleko Lurraldearteko Kontseiluko Osasun Publikorako Batzordeak onartutako dokumentuaren bertsio berri bat prestatu du, eta arrisku ertaina (2. alerta maila) duten erkidegoetan ere muga horiek kentzea proposatu, pandemiaren bilakaeraren arabera are gehiago molda daitezkeela nabarmenduta.
Carolina Dariasek zuzentzen duen Ministerioak egindako zirriborroaren arabera, ostalaritzari ezarritako mugak bertan behera geratuko lirateke. Espainiako Aldizkari Ofizialak larunbatean argitaratutakoak jasotzen zuenez, 1. alertan mailan zeuden erkidegoetako jatetxe eta tabernek 01:00a arte egon litezke zabalik, baina 24:00ak jotakoan ezingo dute zerbitzatu. Horrez gain, dantzalekuek 02:00ak arte egon daitezke zabalik (03:00ak arte arrisku maila txikia duten erkidegoetan), edukiera muga zehatzekin. Bigarren zirriborro horretan, berriz, 2. mailan dauden erkidegoei ere eragingo die neurriak arintzeak.
Espainiako Estatuan, bi erkidego daude 3. alerta mailan: Errioxa eta Euskal Autonomia Erkidegoa (EAE).
Zirriborro horrek jasotzen duenez, "gaueko aisialdiko establezimenduak zabaldu ahalko dira lokalok 1. eta 2. alerta mailan dauden erkidegoetan".
Dena dela, dokumentu horren azken ahapaldian honakoa erantsi dute: "Adostutako neurri horiek berraztertu eta malgutu ahalko dira pandemiaren bilakaeraren arabera".
Joan den asteko Lurraldearteko Kontseiluan erabakia ez zuten aho batez hartu. Madrilek, Andaluziak, Kataluniak, Murtziak eta Galiziak murrizketen kontra bozkatu zuten, eta Gaztela eta Leon abstenitu egin zen. Jaurlaritzak ez zuen bileran parte hartu ere egin, erabakiek "eskuduntzak urratzen" zituztela iritzita.
Atzo murrizketa horiek bertan behera utzi zituen Auzitegi Nazionalak Madrilen, Madrilgo Erkidegoko Gobernuak aurkeztutako helegite bat aintzat hartuta. Horren ondotik, Fernando Simon Espainiako Osasun Ministerioko Osasun Alerta eta Larrialdiak Koordinatzeko Zentroko zuzendariak nabarmendu zuenez, desadostasunak judizializatu barik kontsentsua lortzea da lehentasuna: "Ministerioak adostasuna lortu nahi du eta prozesua judizializatzea saihestu; pena litzateke agintari judizialen esku uztea ez dugulako alternatiba nahikorik aurkitu".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.