281 koronabirus kasu atzeman dituzte Euskadin, azken bi hilabeteetako kopururik txikiena
Euskadik 281 koronabirus kasu berri baieztatu ditu larunbat honetan, hau da, aurreko egunean baino 212 gutxiago, Eusko Jaurlaritzako Osasun Sailak igande honetan zabaldutako datuen arabera. Hain zuzen ere, duela bi hilabetetik izan den kopururik txikiena da.
Azken orduetan, gaitza atzemateko 4.561 proba diagnostiko egin dituzte (bezperan baino 585 gutxiago). Ildo horretatik, positibotasun-tasa hiru puntu baino gehagoko beherakada izan du, % 6,2ra jaitsi baita (aurreko egunean % 9,6ra iritsi zen; 5.146 proba egin zituzten eta 493 positibo atzeman zituzten).
Datuak lurraldez lurralde aztertuta, 43 kasu berri baieztatu dituzte Araban, 144 Bizkaian eta 86 Gipuzkoan. Halaber, beste zortzi positibo atzeman dituzte, EAEtik kanpo bizi diren pertsonen artean.
Gauzak horrela, EAEko hiru lurraldeetan behera egin dute positiboek, ostiraleko datuekin alderatuta. Hain zezen ere, Gipuzkoak 62 positibo gutxiago zenbatu ditu larunbat honetan, Bizkaiak 116 gutxiago eta Arabak 22 gutxiago. Euskaditik kanpo bizi diren pertsonen artean, berriz, ostiralean baino 12 positibo gutxiago izan dira.
Alabaina, EAEko ospitaleetan gora egin dute koronabirusarekin lotutako ospitaleratzeekazken orduetan. Hala, ospitaleetako gela arruntetan 35 pertsona ospitaleratu zituzten larunbatean. Zainketa intentsiboetako unitateetan, aldiz, 71 dira une honetan koronabirusa duten pazienteak, ostiralean baino bi gehiago. Horrenbestez, bost egunez behera egin ostean, koronabirusa duten gaixoek gora egin dute ZIUetan.
54 kasu atzeman dituzte Nafarroan
Larunbat honetan, 54 covid-19 kasu berri zenbatu dituzte Nafarroan, Osasun Sailaren behin-behineko datuen arabera. Hala, Foru Erkidegoak azken egunotako joera hautsi eta ekainaren 28tik erregistratu den zifrarik baxuena lortu du.
Bezperako datuekin alderatuta ere, jaitsiera handia izan da kutsatzeetan; izan ere, ostiralean baino 59 positibo gutxiago zenbatu dira larunbatean. Hala ere, aipatzekoa da jai egunetan proba diagnostiko gutxiago egiten direla, eta horrek kutsatze berrien zenbatekoan eragin dezakeela.
Gaixo bakarra ospitaleratu dute, Zaintza Intentsiboen Unitatean, azken 24 orduetan. Orotara, 80 covid-19 paziente daude Nafarroako erietxeetan, horietako 25 ZIUn.
Larunbatean zehar, 1.367 dosi jarri dituzte txertaketa guneetan. Hala, Foru Erkidegoak 915.674 txerto jarri ditu dagoeneko.
Azken orduotan 747 diagnostiko proba egin dituzte osasun langileek, eta positibotasun tasa % 7,2koa da.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.