Intzidentzia metatuak beherantz egiten jarraitzen du EAEn, 89 kasukoa baita
Izurriaren eragina txikituz doa Euskal Autonomia Erkidegoan (EAE), eta horren erakusle da, Bizi Berri IV planean jasotako adierazle nagusiena, intzidentzia tasa metatuaren bilakaera. Pilatutako tasak beherantz egiten jarraitzen du, eta 100.000 biztanleko 89 kasutan dago gaur gaurkoz. Are, Araba (77 puntu) "transmisio baxutik" (60 pilatutako kasu) gero eta gertuago dago.
Asteburuari dagokion buletin epidemiologikoa kaleratu du Eusko Jaurlaritzako Osasun Sailak. Horren arabera, 75 positibo berri zenbatu dituzte, bezperan baino 30 gutxiago. 4.195 proba diagnostiko egin ostean, % 1,8k eman du positibo. Bizkaiak hauteman ditu kutsatze gehien (43), larunbateko datuen maila badago ere. Tarte batera daude Gipuzkoa (18) eta Araba (11). Horiei guztiei EAEtik kanpo bizi diren hiru herritarren positiboak gehitu behar zaizkie.
Mantsoago bada ere, ospitaleetako presioa ere arinduz doa. Igande honetan 83 pertsona zeuden Osakidetzako ospitaleetako gela arruntetan, ostiralean baino 21 gutxiago. ZIUetako gaixoen kopuruak, baina, apur bat gora egin du, 41 eri baitaude orain (ostiralean 40 ziren). Horrez gain, 11 ospitaleratze izan dira azken orduetan.
Esan bezala, azken 14 egunetako intzidentzia tasa metatuak datu onak ematen jarraitzen du, eta ostiraletik 10 puntu jaitsi da. Horrenbestez, EAEko batez bestekoa 9 kasutan dago 100.000 biztanleko. Lurraldeka, Arabak du datu onena (77 kasu), eta hortik gora daude Bizkaia (88) eta Gipuzkoa (89).
Ondorengo grafikoa ikus daiteke, argi asko, adierazle horrek izandako bilakaera. Iazko udan izandako datuetatik behera dago pilatutako tasa:
Pandemiaren bilakaera neurtzeko beste adierazle garrantzitsua R0 indizea da. Indize horrek positibo batek kutsatzen dituen pertsona kopurua adierazten du, hots, covid-19aren zabaltzeko duen gaitasuna. Azken orduetan 0,86ra igo da (bezperan baino 0,07 gehiago). Ostiraleko datuarekin alderatuta, puntu bat pasatxo igo da, baina epidemiologoek gomendatutako langatik (1) behera dago, nolanahi ere. Lurraldeka, Arabak eta Gipuzkoak (hurrenez hurren, 0,94 eta 0,92) dituzte datu okerrenak, eta Bizkaiak batez bestekotik gertuago du bere indizea (0,80)
Adin tarteei dagokienez, intzidentzia tasa handiena 90 urte baino gehiago dituztenen artean dago (142 kasu 100.000 biztanleko). Txikiena, berriz, 70-79 urtekoena da (63).
Covid-19aren semaforoari erreparatuta, EAEko udalerri handi gehienek datuak hobetu dituzte. Donostia eta beste bederatzi udalerri eremu berdera igaro dira, eta hortaz, pilatutako tasa 60tik behera dute.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.