Donostia eta bederatzi udalerri gehiago eremu berdera igaro dira
Donostiak eremu berdera igarotzea lortu du azken orduetan, beste bederatzi udalerrirekin batera, Covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Honako hauek dira: Basauri, Berango, Leioa, Sestao eta Zalla Bizkaian, eta Arrasate, Errenteria, Lazkao eta Oñati, Gipuzkoan. Andoain, berriz, eremu horira itzuli da datuak okerrera egin ostean.
Araba (100.000 biztanleko 77 kasurekin) 60ko helburu horretatik gero eta gertuago dago. Ospitaleetako presioak ere behera egin du EAEn, baina 41 gaixo daude larri, bezperan baino bat gehiago. 75 positibo berri zenbatu dituzte, bezperan baino 30 gutxiago.
Araba da EAEn intzidentzia txikiena duen lurraldea (77 kasu 100.000 biztanleko) eta eremu horian jarraitzen du, baita Gasteizek eta Agurainek ere. Laudiok eta Amurriok berdeari eutsi diote. Ez dago udalerririk ez eremu gorrian ezta laranjan ere.
Bizkaian ere, hori jarraitzen du semaforoak (88 kasu 100.000 biztanleko). Lekeitiok jarraitzen du gorritik ezin irtenda.
Laranjan, berriz, Ondarroa dago.
Horian hauek daude: Abadiño, Abanto, Arrigorriaga, Barakaldo, Bermeo, Bilbo, Derio, Durango, Erandio, Ermua, Etxebarri, Getxo, Gernika-Lumo, Gorliz, Gueñes, Muskiz, Portugalete, Santurtzi, Sestao, Sopela eta Zornotza.
Elorriok, Galdakaok, Markina-Xemeinek, Mungiak, Ortuellak eta Trapagaranek berdeari eutsi diote. Basauri, Berango, Leioa, Sestao eta Zalla ere gehitu dira azken orduetan.
Gipuzkoa (89 kasu 100.000 biztanleko) ere hori dago. Mutriku laranjatik irten ostean, ez dago udalerririk ez eremu horretan ezta gorrian ere Gipuzkoan.
Horian, berriz, hauek daude: Aretxabaleta, Azkoitia, Azpeitia, Beasain, Eibar, Hondarribia, Irun, Lasarte-Oria, Oiartzun, Ordizia, Orio, Tolosa, Urnieta, Urretxu, Usurbil, Villabona, Zarautz eta Zumaia. Andoainen egoerak okerrera egin eta ezin izan dio berdeari eutsi. Mutriku, aldiz, laranjatik irten ostean gehitu zaie.
Astigarragak, Bergarak, Debak, Hernanik, Legazpik, Lezok, Pasaiak eta Zumarragak eremu berdean jarraitzen dute, eta gaurtik aurrera baita Arrasate, Donostia, Errenteria, Lazkao y Oñati
Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.