95 positibo berri atzeman dituzte Euskadin, eta intzidentzia metatua 73 kasura jaitsi da
Covid-19an positibo eman duten 95 kasu berri atzeman dituzte azken orduetan Euskadin, aurreko eguneko 89tik gora, baina intzidentzia metatuak behera egiten jarraitzen du, 100.000 biztanleko 14 egunetan 78 kasutik 73ra jaitsi baita.
Intzidentzia-indizearen beheranzko joera hori hiru lurraldeetan izan da: Araban 70,86 kasu daude, Bizkaian 72,23 eta Gipuzkoan 71,90.
Eusko Jaurlaritzaren txosten epidemiologikoaren arabera, asteazken honetan 6.614 proba diagnostiko egin dituzte, asteartean baino 699 gutxiago, eta positibotasun tasa % 1,2tik % 1,4ra igo da. Araban zenbatu dituzte azken orduetan positibo gutxien (16), Gipuzkoan (29) eta Bizkaian (49) baino gutxiago, eta horiei Euskaditik kanpo bizi den pertsona batek emandako positiboa gehitu behar zaie.
Gainera, ospitaleetako presioa jaitsi egin da azken orduetan. Pertsona gutxiago daude ZIUetan, 37, hau da, asteartean baino 2 gutxiago, uztailaren erdialdetik izandako daturik baxuena, eta sarrera berriak murriztu egin dira; izan ere, asteazkenean 17 pertsona sartu ziren ospitaleetan, bezperan baino 5 gutxiago.
Guztira, 123 gaixo daude ospitaleratuta, asteazkenean baino 3 gutxiago eta irailaren 1ean baino 148 gutxiago, orduan 271 pertsona baitzeuden ospitaleratuta.
R0 birusaren birsorkuntza-tasa (gaixo batek zenbat pertsona kutsa ditzakeen erakusten du) egonkor mantendu da azken orduetan 1etik behera, 0,88an, hain zuzen ere. Araban 0,82ra jaitsi da, Gipuzkoan 0,91tik 0,95era igo da eta Bizkaian ez da aldaketarik izan, 0,86an baitago.
Bestalde, ez dago udalerri bakar bat ere transmisio-eremu gorrian, eta 5.000 biztanletik gorako 4 herritan 0 kasuko tasa metatua erregistratu da: Markina Bizkaian eta Aretxabaleta, Deba eta Lezo Gipuzkoan.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.