Gaur eramango dituzte Maduro eta emaztea New Yorkeko auzitegi federal batera
New York Hegoaldeko Barrutiko Auzitegiko bozeramaile baten arabera, Alvin K. Hellerstein epaile federalaren aurrera eramango dituzte Manhattanen, deklara dezaten, 12:00etan (17:00 GMT).
Nicolas Maduro Venezuelako presidentea eta haren emazte Cilia Flores New Yorkeko auzitegi federal batera eramango dituzte astelehen honetan, deklaratzera, iturri judizialek EFE agentziari baieztatu diotenez.
New York Hegoaldeko Barrutiko Auzitegiko bozeramaile baten arabera, Alvin K. Hellerstein epaile federalaren aurrera eramango dituzte biak Manhattanen, 12:00etan (17:00 GMT).
Maduro larunbat goizaldean atxilotu zuten Cilia Flores emaztearekin batera Washingtonek 'Erabateko konponbidea' izeneko operazioan.
Venezuelako presidentea Stewarteko Aireko Guardia Nazionalaren Basera eraman zuten, New York estatuko iparraldean dagoen aireportu militarrera, segurtasun neurri handien artean, eta ondoren DEA Drogaren Aurkako Agentziaren instalazio federal batera, espetxeratu aurretik.
Etxe Zuriak atxiloketaren eta lekualdatzearen irudiak zabaldu ditu. Irudi horietan, Maduro zoruan "DEA NYD" irakur daitekeen korridore batean ikus daiteke. Bideoan, Madurok norbaiti "Gabon, urte berri on" esaten diola ematen du.
New Yorkeko Hegoaldeko Barrutiko Fiskaltzak formalki akusatu zuen Venezuelako presidentea 2020an, eta larunbat honetan berritu egin du, narkoterrorismoa, kokaina AEBra inportatzeko konspirazioa eta arma automatikoekin trafikatzea egotzita.
Delcy Rodriguezek hartu du Maduroren lekua
Caracasen, Madurok ia 13 urtez Venezuela zuzendu duen hirian, erakundeak botere-hutsuneak berregituratzen saiatzen ari dira, eta haren oinordeko Delcy Rodriguez izendatu dute.
Venezuelako Justizia Auzitegi Gorenak presidente kargua horren esku uzteko agindua eman zuen larunbatean, "nazioaren defentsa osoa eta jarraipen administratiboa bermatzeko". Venezuela gidatuko duen lehen emakumezko presidentea izango litzateke, asmo horiek aurrera eginez gero.
Larunbatean egindako adierazpenetan, Rodriguezek azpimarratu zuen herrialdeko presidente bakarra Maduro dela, baina AEBrekin "agenda eraikitzaile" bat sortze aldera hitz egiteko prest agertu zen.
Donald Trump AEBko presidenteak adierazi duenez, Marco Rubio Estatu idazkariak Rodriguezekin hitz egin du, baina Venezuelako presidenteordeak ez du baieztatu. Trumpek esan zuen ez duela troparik zabalduko Venezuelan Rodriguezek Washingtonek nahi duena egiten badu.
Brasilek onartu egin du Venezuelako presidenteordea presidente gisa, Maduroren faltan, baina Panamak azpimarratu du ez duela egingo, eta horrek agerian utzi du Hego Amerikako trantsizioak hartu beharreko bidearen aurrean zatiketa dela nagusi.
AEB-K VENEZUELARI ERASO
Trumpek dio AEBren esku geratu dela Venezuela Maduroren "ordezko egoki bat" aurkitu arte
"Herrialde hori zuzenduko dugu trantsizio segurua, egokia eta zentzuzkoa egin bitartean. Hau da, ez dugu nahi Maduro edozeinek ordezkatzea eta azken urteetan izan dugun egoera errepikatzea", esan du Floridan duen egoitzatik emandako prentsaurrekoan.
Momentuz, AEBk zuzenduko du Venezuelako agintea "trantsizio segurua, egokia eta zentzuzkoa egin arte", jakinarazi du Trumpek.
"Denboraldi batez nire atzean dauden pertsonek gobernatuko dute Venezuela", adierazi zuen Trumpek, Marco Rubio Estatu idazkariarekin eta Pete Hegseth Gerra idazkariarekin batera egindako agerraldi batean.
Halaber, Trumpek baztertu egin zuen presidentetza Maria Corina Machado oposizioko liderraren esku uztea, "ez duelako Venezuelako herriaren babesik eta errespeturik". Machadok eskatu zuen Edmundo Gonzalez Urrutia, 2024ko hauteskunde polemikoetan aurkeztu zen hautagaia, izan dadila presidentea, hauteskunde haietan legitimoki aukeratutako presidentea dela uste baitu.
Eskualdeko hainbat gobernu kontserbadorek gauza bera eskatu dute, Javier Milei argentinarrak eta Daniel Noboa ekuadortarrak besteak beste. Frantziako presidente Emmanuel Macronek ere "trantsizio baketsua, demokratikoa eta venezuelarren borondatea errespetatzen duena" lortzeko itxaropena agertu zion Gonzalez Urrutiari.
AEB-REN ERASOA VENEZUELAN
Nazioartearen erreakzioak AEBk Venezuelan egindako erasoaren aurrean
Errusiak "oinarririk gabeko aitzakiak baliatuta" egindako "eraso armatua" izan dela salatu du, Espainiak "deseskalatzea eta moderazioa" eskatu ditu, eta Frantziak Edmundo Gonzalez izatea presidente berria. Latinoamerikan muturreko iritziak eragin ditu AEBen operazioak.
Ildo beretik, Ekuadorrek, Peruk eta Paraguaik iragarri dute Maduroren Gobernuarekin lotura duten pertsonei sarrera eragotziko dietela.
Beste aldean, berriz, Gustavo Petro ezkertiarra buru duen Kolonbiako Gobernuak Latinoamerikako eta Karibeko Estatuen Erkidegoko (CELAC) kantzilerren bilera deitu du, AEBren erasoaren aurrean jarrera bat adosteko.
Era berean, Mexikoko presidente Claudia Sheinbaumek adierazi zuen eskualde mailako adierazpen bateratu bat adosten ari dela beste herrialde batzuekin batera, zein nazio diren zehaztu gabe. "Latinoamerikarentzat oso garrantzitsua da elkarrekin egotea", horren iritzian.
NBEko Segurtasun Kontseiluak premiazko bilera egingo astelehen honetan AEBren operazio militarra eztabaidatzeko, eta, aldi berean, Amerikako Estatuen Erakundeak (AEA) indarkeriaren gorakadarik ez egoteko eta irteera baketsua bilatzeko eskatu zien AEBri eta Venezuelari.
Zure interesekoa izan daiteke
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.