Legebiltzarkideek Konstituzioari men egin behar izatea baztertu du Legebiltzarrak
XII. legegintzaldiko Eusko Legebiltzarra osatzeko osoko bilkuran eserlekuak eskuratu ahal izateko 75 ordezkari berriek Konstituzioari men egin behar izatea baztertu du astelehen honetan Eusko Legebiltzarreko Diputazio Iraunkorreko Mahaiak. Hala, Carmelo Barrio PP+Cs koalizioko legebiltzarkidearen eskaera atzera bota du organo horrek, argudiatuz Diputazio Iraunkorrak ezin duela "hurrengo legegintzaldiari dagozkion jarduerak baldintzatuko dituen erabakiak hartu".
Hain zuzen ere, goizeko lehen orduan bildu da gaur Diputazio Iraunkorreko Mahaia, osoko bilkura baino lehen. Ildo horretatik, legebiltzar berriek Konstituzioari men egiteko PP+Cs taldeak aurkeztutako eskaera alde batera uztea erabaki du. Aurreko legegintzaldiaren hasieran (XI. legegintzaldian) ere baztertu egin zuten proposamena, eskaera horri ez zitzaiola erantzun behar iritzita; izan ere, Eusko Legebiltzarreko "Hauteskunde Legeak eta aurrekoek" ez dute aurreikusten "formulismo" hori nahitaezkoa denik.
Alderdi Popularreko eta Ciudadanoseko kideek osatzen duten koalizioak idatziz egin zuen legebiltzarkideek kargua hartzeko unean Konstituzioari men egin behar izateko eskaera, "ordena konstituzionalaren defentsan" egintza "eredugarri" gisa.
Testuinguru horretan, hala izan ezean, legealdia "Konstituzioari desafioa eginda" hasiko zela ohartarazi zuen Carmelo Barrio PPko ordezkariak. Bere esanetan, "arau horrek Legebiltzarrari eta hura gutxiesten duten legebiltzarkideei legezko babesa ematen die".
Eusko Legebiltzarreko Diputazio Iraunkorreko Mahaiak gogorarazi du, lehenik eta behin, Barrio organo horretako kide dela, eta, beraz, haren jarduerak Diputazio Iraunkorrak bere eginkizunak betetzen dituen denbora-eremuari dagozkion funtzioetara mugatu behar direla. Ildo horretatik, adierazi du Barriok legegintzaldi honetako "denbora-mugak" gainditzen dituen jarduera bat egin nahi duela.
Zehazki, legegintzaldi berrirako legebiltzarkide izaera oraindik eskuratu ez duenez, "Legebiltzarkide izaera duen unean soilik eska daitekeen zerbait" eskatzeko legitimitaterik ez duela dio.
Hori dela eta, organo horren eginkizunak "mugatuta" daudela azpimarratu du Diputazio Iraunkorrak, "bai denborari dagokionez, bai jarduketen irismenari dagokionez ere", eta, beraz, ez dela inola ere Diputazio Iraunkorra, eta kasu honetan, eskatzen den bezala, bere Mahaia "hurrengo legegintzaldiari dagozkion jarduketak baldintzatuko dituen akordio bat hartzeko gai".
Horregatik guztiagatik, Diputazio Iraunkorreko Mahaiak Carmelo Barrioren eskaera baztertzea erabaki du, uste baitu Diputazio Iraunkorreko kide batek "ez duela legitimaziorik" xede horretarako, ezta Diputazio Iraunkorreko Mahaiak "Ganberaren araudia urratzea ekarriko lukeen erabaki bat hartzeko eskumenik ere".
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.