Illak Madrilekin adostutako neurriak ezin direla Euskadin ezarri esan du Erkorekak
Josu Erkoreka Eusko Jaurlaritzako Segurtasun sailburu eta lehen lehendakariordeak asteazken honetan adierazi duenez, koronabirusak eragindako pandemiari aurre egiteko asmoz Espainiako Gobernuak eta Madrilgo Gobernuak adostu dituzten neurriak ezin dira Euskadin aplikatu, horiek aurreikusita dauden ikuspuntutik aztertzen badira.
Iñigo Urkullu lehendakariak goizean esandakoarekin bat eginez, akordioa ezagutzeko moduak (hedabideen bidez) ez duela "jokabide ona" islatzen azpimarratu du Erkorekak, eta "autonomia erkidegoen eskumen esparrua nabarmen mugatzen" duela ziurtatu du.
"Hori ez da jarduteko modu egokia neurri murriztaile bat autonomia erkidego guztietara zabaldu nahi badute. Kasu honetan, Madrilek planteatzen duen arazoaren arabera pentsatu da erantzuna, eta gaur bertan autonomia erkidegoen Lurralde arteko Kontseilura eraman nahi dute, orokortasun itxura emateko", gaineratu du Erkorekak.
Nolanahi ere, neurriak "aurreikusi dituzten ikuspuntutik aztertuta, Euskadin lau udalerritan baino ez lirateke aplikatuko, eta horietako bakar batean ere ez lirateke emango bertan jasotzen diren salbuespenezko neurriak ezartzeko baldintzak", azpimarratu du lehen lehendakariordeak.
Erkorekak aitortu duenez, pandemiari aurre egiteko erronka "handia" da, "osasun krisia agerian baitago". Hala, Eusko Jaurlaritzak orain arte hartu dituen neurriak nabarmendu ditu, baheketa-prozesu sistematikoa aipatuz, besteak beste. Gainera, gogorarazi duenez, orain "krisi ekonomikoaren ondorioei aurre egin behar zaie", eta datorren urteko aurrekontua prestatzen hasi dira, "aurrera egiteko funtsezkoa izango baita".
Bere ustez, Euskadin normaltasun berriari heltzeko prozesua "zentzuzkoa eta arrazoitua izan zen, eta iritsi behar zen unean iritsi zen normaltasun berrira". "Ondoren, egoeraren kudeaketa ez da berdina izan autonomia erkidego guztietan, eta hor dago emaitzen aniztasuna", ziurtatu du.
"Dena hobetu" daitekeela ziurtatu ostean, EAEko osasun sistemak koronabirusaren aurrean emandako erantzuna "oso positiboa" izan dela esan du. "Hortik aurrera, Eusko Jaurlaritza eta Osakidetza ahalegin handia egiten ari dira, baita orain ere, osasun sistemak pandemiaren erronkei erantzuteko duen gaitasuna hobetzeko", gaineratu du.
"Inbertsioak egiten ari gara, zerbitzuak hobetzen ari gara eta pandemiari hobeto erantzuteko behar dugun guztiaz hornitzen ari gara. Izan ere, ezustean harrapatu gintuen denok, eta inork ez zuen pandemiari eraginkortasunez erantzuteko giltza", ziurtatu du.
Zure interesekoa izan daiteke
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.