Foro Soziala: "Konpromiso multilateralak lor daitezen, ekosistema egokia sortzeko unea da"
Foro Sozial Iraunkorrak "urrats garrantzitsu eta beharrezko" gisa baloratu du ohar batean, ezker independentistak gaur egin duen 'Urriaren 18ko Adierazpena'.
"Duela hamar urteko erabakia berretsiz, eragindako kaltea onartuz, ETAren biktimekiko enpatia eta hurbiltasuna adieraziz, biktima guztiek errekonozimendu eta erreparaziorako duten eskubidea onartuz eta presoen auziari konponbidea ematearen garrantzia azpimarratuz", nabarmendu du.
Bestalde, eragile instituzional, politiko, sozial eta sindikal guztiei dei egin die "dagokion balioa eman diezaioten" adierazpen honi, Aieteko Nazioarteko Konferentziaren X. urteurreneko testuinguru sinbolikoan egindakoa, urriaren 20aren bezperetan, ETAk bere jarduera armatuaren amaiera iragarri zuen egunean, alegia.
Foro Sozial Iraunkorrak uste du iritsi dela "kontakizunaren bataila delakoaren inguruko eztabaida politiko katramilatua eztabaida sosegatu eta konstruktibo batera igarotzeko unea".
"Indarkeria erabili duen agente bakoitzaren erantzukizunak, jakina, banakakoak eta besterenezinak dira", gaineratu du.
Kritikoa, partekatua eta konstruktiboa
Foro Sozialaren ahotan, "garaia da ekosistema egoki bat sortzeko, arrazoizko epe batean, konpromiso multilateralak lor daitezen, bakoitzak bere erantzukizunak bere gain hartuz, alde bakoitzak bere erantzukizuna har dezan eragindako indarkerien aurrean".
"Erantzukizun propioa hartzeak kritikoa, partekatua eta konstruktiboa izan behar du", nabarmendu duenez.
Azkenik, "espero dugu eragile guztiek erantzukizunez jokatuko dutela gizarte bezala aurrean dugun erronka garrantzitsuaren aurrean: memoria kritiko inklusibo batetik abiatuta, bizikidetza demokratikoa eraikitzea, gizarte-adiskidetzearen beharrezko oinarriak sentitzeko. Hori baita gertatutakoa ez errepikatzeko berme bakarra", adierazi du.
Currinen hitzetan, "ezinbesteko" adierazpen "iraultzailea" da
Brian Currin nazioarteko bitartekariak uste du "ezinbesteko" adierazpen "iraultzailea" dela, eta guztiek "bake eta bizikidetzarako bidean pauso esanguratsu" bezala hartzea espero du.
Nazioarteko gatazken konponbidean adituak azpimarratu duenez, ezker abertzalearen agiria "iraultzailea eta ezinbestekoa da".
"Euskal Herrian eta Espainia osoan, bake eta bizikidetza iraunkorra lortzeko pauso esanguratsu bezala hartzea espero dut", erantsi du.
Bestalde, Berghof Fundazioak adierazpen "ausarta" txalotu du txio batean. "Bake eta elkarbizitza demokratikorako bidean pauso erabakigarria da", esan du:
Zure interesekoa izan daiteke
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.