Osasun Sailak egiturazko erreformak egitea defendatu du, Osakidetzak "etengabe okerrera" ez egiteko
Eusko Jaurlaritzaren Osasun Sailak aldarrikatu du "egiturazko erreformak" egin behar direla Osakidetzan, osasun zerbitzuek "etengabe okerrera egitea saihesteko", Alberto Martinez sailburuak osasun-itunaren lehen bileraren partaideei igorritako txosten batean jaso duenez.
Testua 264 orrikoa da eta irekia, gainerako agenteek ekarpenak egin ditzaten.
Horretan, Sailak osasun sistemaren diagnosia egin du, eta etorkizuneko erronkak identifikatu ditu. Besteak beste, honakoak aipatu ditu: gizartearen zahartzea, jaiotze-tasak behera egin izana, gaixotasun berriak agertu izana, gaixotasun kronikoen hazkundea, klima aldaketa eta gizartearen "eskariek" ere gora egin izana.
"Aldaketa sistemikorik ezean, gainkarga kronikoa eta erantzun-ahalmen mugatua dituen sistema batek krisiak izango ditu behin eta berriro, eta ondorioz zerbitzuek okerrera egingo dute etengabe, COVID-19aren pandemian gertatu berri denez", nabarmendu du Osasun Sailak.
Horren ildotik, egun osasun sistemak finantzazio gehiago behar duela ohartarazi du, batik bat hiru faktore direla eta: teknologia eta terapia berriak abiatu izana, gaixotasun kronikoen igoera eta "gizartearen eskarien hazkundea".
Horrenbestez, "finantzazio-ereduak" gizartearen beharrizanekin bat etorri behar direla erantsi dute, eta Osakidetzaren "epe luzerako bideragarritasuna" bermatzeko neurriak eskatu dituzte.
Osasun Sailak funtsezkotzat jo du Osakidetzaren jarduera prebentziora bideratzea, besteak beste, eta profesionalen lan-baldintzak ere kontuan izatea defendatu du, arreta eredu berriekin paper aktiboa izan dezaten.
Osasun-itunerako mahaiaren bilera
Pradales lehendakaria eta Martinez sailburua osasunaren sektoreko hainbat agenterekin bildu dira gaur Bilbon, 6 hilabeteko epean itun zabal bat lortzeko.
Aurreikuspena da 2025eko martxorako guztiz martxan egotea ituna, osasun sistema hobetzea helburu.
Hain zuzen ere, eragile hauek hartu dute parte gaurko bileran: profesionalen elkargoen artean, Medikuak, Erizainak, Farmazia, Psikologia, Odontologia, Gizarte Langintza, Biologia eta Albaitariak; sindikatuen partetik, LAB, CCOO, UGT, Sindikatu Medikua eta SATSE; unibertsitateetatik, EHU, Deustu eta Mondragon; eta enpresaburuen aldetik, Confebask patronala.
Aitzitik, ELAk ez du parte hartu nahi izan, iritzita Jaurlaritzak ez duela aldaketa sakonik egiteko asmorik.
Gaurko zitan, lehendakariak eta Osasun sailburuak lan-metodologia eta aipatutako diagnosi-txostena aurkeztu dituzte.
Bilera bukatu eta gero, partaide gehienek balorazio positiboa egin dute, baina gabeziak ere atzeman dituzte.
Aldez aurretik, Pradalesek adierazi zuen osasun-itunaren helburua ez dela bakarrik neurri zehatzak adostea, baizik eta begirada "10-15 urtera" jartzea ere.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.