Hauteskundeak
Kanpainaurreko ekitaldiak: azaroak 6, ostirala
Hauteskunde-kanpaina hasteko astebete falta den arren, alderdietako hautagaiak ez daude besoak gurutzatuta. Etxebizitzari eta ustelkeriari buruz hitz egin dute gaurkoan kanpainaurreko ekitaldietan, eta Araba aukeratu dute horretarako EAJk, PPk eta Fronte Zabalak. PSE Donostian izan da, eta EH Bilduk herri mobilizazioaren beharra azpimarratu du "tendentzia atzerakoien" aurrean.
Kanpainaurreko ekitaldiak: azaroak 6, ostirala
PSE-EEk, PPk eta UPNk hauteskunde ekitaldiak egin dituzte ostiral honetan. Sozialistek etxebizitza eskubidea defendatu dute Donostian, nekazariek eta ardo ekoizleek aurrera egiteko dituzten arazoak nabarmendu ditu PPk Guardian,. eta UPNk eta Nafarroako PPk euren hautagaitzak aurkeztu dituzte. EAJk, EH Bilduk eta Fronte Zabalak, berriz, ez dute ekitaldirik izan gaur.
Kanpainaurreko ekitaldiak: osteguna, azaroak 5
Ostegun honetan PSE-EEk, EH Bilduk eta PPk egin dituzte hauteskunde ekitaldiak. Ultraeskuinari eta eskuinari aurre egitearen garrantziaz hitz egin dute Arnaldo Otegik (EH Bildu) eta Patxi Lopezek (PSE-EE). Iñaki Oyarzabalek (PP), berriz, Pedro Sanchez Estatuko presidentetzatik botatzea nahi dutenei dei egin die. EAJk eta Fronte Zabalak ez dute gaur ekitaldirik izan.
Kanpainaurreko ekitaldiak: asteazkena, azaroak 4
Inboluzioa, autogobernua, segurtasun falta eta etxebizitzaren krisia izan dira asteazkeneko ekitaldietako gai nagusiak. PSE-EEk, EAJk eta PPk Bizkaian eta Araban egin dituzte ekitaldiak, eta Fronte Zabalaren ordezkariak ETB2ko En Jake saioan hitz egin du. EH Bilduk ez du ekitaldirik egin.
Kanpainaurreko ekitaldiak: asteartea, azaroak 3
Inboluzioa, etxebizitzaren krisia eta migrazioa izan dira astearte goizeko ekitaldietako gai nagusiak. PSE-EEk, EAJk, PPk eta Fronte Zabalak Araban eta Bizkaian egin dituzte ekitaldiak. EH Bilduk ez du ekitaldirik egin.
Hauteskunde orokorretarako hautagaitzak argitaratu dituzte: hauek dira EAE eta Nafarroako zerrendak
Azaroaren 29ko hauteskundeetarako hautagai-zerrendak argitaratu dituzte Estatuko Aldizkari Ofizialean. Hego Euskal Herrian 50 hautagaitza onartu dituzte: kontsultatu izen guztiak.
Nafarroako hautagaitzak Kongresu eta Senaturako
Hautagai-zerrenda osoak azaroaren 29ko Hauteskunde Orokorretarako: EH Bildu, Fronte Zabala, PSN-PSOE, Eguzkilore, Geroa Bai, Mundo+Justo, UPN-PP, Se Acabó la Fiesta, Vox, Podemos, Frente Amplio, PACMA eta PCTE.
Arabako hautagaitzak Kongresu eta Senaturako
Hautagai-zerrenda osoak azaroaren 29ko Hauteskunde Orokorretarako: PSE-EE (PSOE), EH Bildu, EAJ-PNV, Escaños en Blanco, Vox, PACMA, Podemos, PCTE/ELAK, Se Acabó la Fiesta, Frente Obrero, PP, Frente Amplio, Feministas al Congreso, Mundo+Justo eta Justicia y Ley.
Gipuzkoako hautagaitzak Kongresu eta Senaturako
Hautagai-zerrenda osoak azaroaren 29ko Hauteskunde Orokorretarako: EH Bildu, PSE-EE (PSOE), EAJ-PNV, PACMA, Escaños en Blanco, Podemos, PP, ELAK/PCTE eta Vox.
Bizkaiko hautagaitzak Kongresu eta Senaturako
Azaroaren 29ko hauteskundeetarako hautagai-zerrenda osoak: EAJ-PNV, PSE-EE (PSOE), EH Bildu, PCTE/ELAK, Vox, Frente Amplio, PACMA, Frente Obrero, PP, MUNDO+JUSTO eta Feministas al Congreso.
Fronte Zabalak bere hautagaiak aurkeztu ditu Bilbon egin duen lehen ekitaldi publikoan
Espero zen bezala, Lander Martinez izango da koalizioaren hautagaia Kongresurako Bizkaitik. Arabako hautagai Jose Damian Garcia Moreno izan du ondoan, baita Samira Raiss Senaturako Gipuzkoako hautagaia eta Alba Gutierrez Bizkaikoa ere.
Alderdi Popularrak dio Euskal Herriko Unibertsitatea sektarioa eta zapaltzailea dela
Jon Echeverria Gipuzkoako Kongresurako zerrenda buruak Joxerramon Bengoetxea EHUko errektoreari aurpegiratu dio ideologia abertzalea lehenesten duela hezkuntzaren kalitatearen gainetik. Echeverriaren esanetan gaztelerazko ikastetxeei zeroa jarri zaie selektibitatean, eta unibertsitatean, aldiz, ETAren aldeko pankartak eta ekitaldiak baimendu dira.
Antolakuntza kolektiboaren indarra aldarrikatu du EH Bilduk
EH Bilduk Hernanin egin duen ekitaldian, Oihana Etxebarrieta Gipuzkoako zerrendaburuak autoritarismoari inteligentziaz erantzuteko beharra azpimarratu du. Azaroaren 14an Bilbon egingo den manifestaziorako deia egin du koalizio subiranistak. Bertan esan dutenez, une historiko honetan gauza asko daude jokoan, eta ez dago ekidistantziarako lekurik.
EH Bilduk irabaziko lituzke azaroaren 29ko hauteskundeak EAEn, Soziometroaren arabera
Koalizioak 7 eserleku lortuko lituzke (2023an baino bi gehiago). PSE-EE izango litzateke bigarren indarra, 5 eserlekurekin (oraingo kopuru bera), eta EAJ hirugarren geratuko litzateke, 4 eserlekurekin (bat gutxiago). PPk, laugarren postuan, 2 eserlekuei eutsiko lieke.
Erkidego batzuetan bakarrik akordioak itxita heldu da ezkerra koalizioak aurkezteko azken egunera
Koalizioak erregistratzeko epea amaitzear dagoela, Fronte Zabalak "lehentasunezko" irteera postuak eskaini dizkio Podemosi Madrilen eta Katalunian.
Pedro Sanchezek hamaika ministro jarri ditu Kongresurako zerrendetan: Margarita Robles bigarren joango da
Roblesekin batera, Madrilgo PSOEko zerrendan Felix Bolaños eta Fernando Grande-Marlaska ere izango dira.
Espainiako hauteskundeetan PPrekin aurkezteko akordioa onartu du UPNk, eta gustura agertu da Feijoo
"UPN eta PP koalizioan" izena hartuko du bi alderdiek osatutako zerrendak, eta Espainiako Gobernurako presidentegai Alberto Nuñez Feijooren hautagaitza babestuko dute biek. Hark esan du albiste "ona" dela, "ez soilik elektoralki, baizik eta etikoki".
Begoña Gomezek auzitara eraman du PPk adimen artifizialaz egindako bideoa
PPk Pedro Sanchezen emaztearen irudi simulatua erabili du bideo batean. Katedra senarrari esker lortu duela esaten du bideoan.
Ondoeza Gipuzkoako PPn, ez zekitelako Senatura aurkeztuko ez zirenik
Javier de Andresek baieztatu du erabaki hori ez zitzaiola jakinarazi Gipuzkoako egiturari, baina garrantzia kendu dio gaiari, Alberto Núñez Feijook egin bezala.
Mikel Irujo eta Aitana Duque EAJren hautagaiak izango dira Nafarroako Parlamenturako Geroa Bairen zerrendan
EAJren oinarriek aho batez babestu dute Industria kontseilaria eta Vianako alkateordea Nafarroako Parlamenturako hautagai proposatzea. Halaber, Uxue Barkos izango da berriro Geroa Bairen Nafarroako presidentegaia.