Ukrainako gerra
Ukrainak Krimeako zubia kaltetu du eta Errusiak berrituko dutela iragarri du
Tripulaziorik gabeko droneekin egindako erasoak zubiaren egitura kaltetu du. Errusia Krimeako penintsularekin lotzen du Europako zubi luzeenak.
Zelenskik dio AEBk NATOn sartzea eskaini diola Ukrainari, Donbasi uko egitearen truke
Gaia erreferendumera eramateko prest agertu da Ukrainako presidentea, proposamenak segurtasun bermeak jasotzen baditu, Ukrainako armadarentzat mugarik ez egotea onartzen badu eta herrialdea berreraikitzeko funtsak aurreikusten baditu.
Ukrainak eta Errusiak presoak trukatzea adostu dute, baina Donbassen inguruan ez dira bat etorri
Amaitu egin dira Abu Dhabiko elkarrizketak, lurraldeari eta segurtasun bermeei buruzko aurrerapen erabakigarririk gabe.
Errusiako estatistika zerbitzuak hackeatu dituzte, eta 400.000 inguru dira gerran hildakoak
Hildakoen % 54,9 Ukrainako Donetsk eskualdean hil dira, borroka gordinenen agertokian, eta 2026aren amaieran hildako errusiarrak milioi erdi baino gehiago izango lirateke, egungo hileko batez bestekoa (18.280) mantentzen bada.
Errusiaren eraso batek 29 hildako utzi ditu Ukrainako giza laguntzarako zentro batean
Zelenskik Errusiaren bonbardaketak salatu du, eta errusiarrek diote 850 drone ukrainiar eraitsi dituztela. Bien bitartean, AEBk iragarri du bitartekaritza egingo duela datorren astean eta Europak 2.800 soldadu bilduko ditu Polonian maniobren probak egiteko.
Kremlinek su-eten lokala baieztatu du, zibilak ebakuatzeko
Errusiak baieztatu du Ukrainarekin su-etena egingo duela, Oleshky hirian dauden zibilak ebakuatze aldera, eta Melania Trumpi eskerrak eman dizkio "operazio humanitarioaren koordinazioan" egindako ekarpenagatik.
Ukrainako enpresa militar eta garraio eta logistika azpiegituren aurkako erasoaldia abiatu du Errusiak Odesako eskualdean
Bestalde, Errusiak Kieven aurka egindako eraso batean gutxienez hildako bat eta 22 zauritu izan dira; tartean, lau haur. Donald Trump AEBko presidenteak baieztatu du, Putinekin hitz egin ostean, Ukrainako gerra amaitzeko akordioa "inoiz baino gertuago" dagoela.
Zelenski eta Putin, bakea lortzeko negoziazio berri bati ekiteko prest
Kremlinak ez du baieztatu Trumpek iragarritako Errusiaren eta Ukrainaren arteko su-eten energetikoa
Energia azpiegituraren aurkako erasoak salatu ditu Ukrainak. "Argi dago Putinek ez dituela sare sozialak irakurtzen", adierazi du Volodimir Zelenski Ukrainako presidenteak.
Errusiaren eta Ukrainaren arteko su-eten energetikoa iragarri du Trumpek
Errusiak ez du balizko itun horren inguruko adierazpenik egin. Ukrainak esan du "xehetasunak" ezagutzeko zain dagoela eta su-etenaren aldekoa dela; "Putinek, ordea, ez du nahi", nabarmendu du Zelenskik.
Trump: "Ukrainak presidente berria izateko unea iritsi da"
Trumpek adierazi du Zelenskik ez duela akordiorik lortu nahi izan Ukrainako gerra amaitzeko.
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
AEBko ordezkariak Kieven dira, ia bost urtean lehen aldiz, Zelenskirekin biltzeko
Steve Witkoff eta Jared Kushner AEBko Gobernu ordezkariak Kievera iritsi dira, Volodimir Zelenski Ukrainako presidentearekin biltzeko. Bezperan, Moskun izan ziren Vladimir Putini gerrari amaiera emateko proposamen bat aurkezteko, eta proposamen hori helaraziko diote gaur Zelenskiri.
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.
Gutxienez 37 pertsona hil dituzte Kieven, Errusiak munizio biltegi baten aurka egindako erasoan
Ukrainako presidenteak erantzukizunak eskatu dizkie tokiko agintariei, "munizioak etxeetatik edo bizitegi eremuetatik gertu gordetzea debekatuta dagoelako".
Kievek misil britainiarrak erabiltzen dituela-eta, Errusiak Erresuma Batuko azpiegitura militarrei egin die mehatxu
CIAko zuzendaria Moskura joan da astearte honetan, ustez Kremlini NATOren aliatuei erasorik ez egiteko ohartarazteko.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.