Albiste izango dira: Aldaketak anbulantzia zerbitzuan, etxebizitzaren arazoa eta Adimen Artifiziala EAEn
Honako gai hauek hartuko dituzte gaur, 2024ko urriaren 23an, hedabideetako lerroburu nagusiak:
- Aldaketak Arabako eta Bizkaiko anbulantzia zerbitzuan: La Pau enpresak Arabako eta Bizkaiko anbulantzia zerbitzua eskaintzeari utziko dio azaroaren 30a baino lehen, kontratuan atzemandako urraketen ondorioz. Eusko Jaurlaritzak akordioa lortu du enpresarekin "irteera ordenatua" izan dadin. Halaber, Osasun Sailaren arabera, anbulantzia zerbitzua "etenik gabe" eskainiko da, beste enpresa batek zerbitzua bere gain hartu arte. Horretarako, larrialdiko kontratazio prozedura abiatuko dute.
- Etxebizitzaren arazoa, Kongresuan: Isabel Rodriguez Espainiako Etxebizitza ministroak agerraldia egingo du gaur Diputatuen Kongresuan, bere kudeaketaren berri emateko. Ezkerreko alderdiek eta kalean protesta jendetsuek Espainiako Gobernuari esku-hartze handiagoa eskatzen diote alokairuen prezioa jaisteko. Sumarrek PSOEri ohartarazi dio etxebizitza politika legealdian "bidegurutzea" izan daitekeela, eta Rodriguezi eskatu dio Ganberan "proposamenak" aurkezteko, eta ez "aitzakiak".
- Adimen Artifiziala (AA) Euskadin: Basque Artificial Intelligence Center (BAIC) zentroak Adimen Artifizialak Euskal Autonomia Erkidegoan duen egoerari buruzko diagnostikoa aurkeztuko du. Ekitaldian izango dira, besteak beste, Mikel Jauregi Industria, Trantsizio Energetiko eta Jasangarritasuneko sailburua eta BAICeko presidentea, Nerea Aranguren BAICeko presidenteordea eta Laura Marron BAICeko zuzendari orokorra.
Zure interesekoa izan daiteke
Ertzaintzaren lan eskaintzarako lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi da, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri. Legebiltzarrean agerraldia eskatu du Sailak azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.