Ekonomia
2025/04/10 - 15:40
EBk erabaki du oraingoz ez ezartzea indarrean sartzekoak ziren muga-zergak, AEBrekin negoziaziatzeko
"Negoziazioei aukera bat eman nahi diegu", esan du Von der Leyenek, eta, "egokiak ez badira, horren kontra hartu ditugun neurriak indarrean sartuko dira", ohartarazi du.
2025/04/10 - 15:16
Elkargi: ''Fragmentazioaren kontra, Europa sendo eta indartsuagoa izan dadin behar dugu''
Donald Trump AEBko presidenteak abiatutako merkataritza gerra dela eta, Zenon Vazquez Elkargiren zuzendari nagusiaren iritziz, Europar Batasunak negoziatu behar du eta ez estatukideek, norbere kabuz. "Pausoak eman behar ditugu Europa gisa, "Europak tamaina dauka aurre egiteko", gaineratu du.
2025/04/10 - 15:00
Asiako burtsek igoera nabarmena izan dute, Europakoek gora egin dute eta Wall Streetek gorrian itxi du saioa
Tokioko zein Taipeiko merkatuek % 9ko igoerarekin zarratu dute saioa. Txinako merkatuek igoera apalagoak izan dituzte. Hong Kong % 1,06 igo da, Shanghai % 1,16 eta Shenzhen % 2,25. Europan, Milango burtsak % 4,73 egin du gora, Madrilek % 4,32, Parisek % 3,83, Zurichek % 3,28 eta Londresek % 3,04.
2025/04/10 - 14:15
Sindikatuek iragarri dute 5 greba egun gehiago egingo dituztela euskal hezkuntza publikoan, maiatzerako
Steilas, LAB, ELA eta CCOO sindikatuek beste bost greba egun iragarri dituzte, maiatzaren 12, 13, 14, 15 eta 16rako.
2025/04/10 - 13:59
Hezkuntzako sindikatuek astebeteko beste greba ziklo bat deitu dute maiatzerako
Maiatzaren 12tik 16ra deitu dituzte lanuzteak. Langileen ordezkarien aburuz, Hezkuntza Sailak egindako azken proposamenari "eduki, zehaztapen eta bermeak" falta zaizkio eta, salatu dutenez, Jaurlaritzak "ultimatum gisa planteatu du". "Ez dugu sinatuko", ohartarazi dute.
2025/04/09 - 21:02
Langile publikoak kalera atera dira Iruñean, soldata hobeak eta langile gehiago eskatzeko
Bere eskarien artean daude karrera profesional horizontala, objektiboa eta diskriminaziorik gabea, langileen estatutua eguneratzea, enplegua egonkorra izan dadila eta behin-behinekotasuna murriztea. Gainera, soldata KPIarekin parekatzea ere aldarrikatzen dute.
2025/04/09 - 20:00
Hauek dira Trumpen muga-zergen aurka Jaurlaritzak onartuko dituen lehen neurriak
Besteak beste, kontratazioa sustatzeko programak, langabezia-prestazioen osagarriak eta Asian eta Afrikan merkatu berriak bilatzeko laguntzak onartuko ditu Gobernuak.
2025/04/09 - 19:45
Imanol Pradales: ''Herri bezala prest gaude datorrenari aurre egiteko''
Lehendakariaren hitzetan, "Europak Trump administrazioarekin negoziatzeko bidea agortu behar du merkataritza gerra ekiditeko". "Trump administrazioak akordio justurik nahi ez badu, Europak irmo erantzun beharko dio", gaineratu du Pradalesek.
2025/04/09 - 15:00
Bizkaiko eta Arabako Batzar Nagusiek zerga-erreforma onartu dute, EAJ, PSE-EE eta E. Podemosen botoekin
Araban gehiengo osoaren babesa izan du arauak, eta Bizkaian, ganberaren % 65arena. Gipuzkoan, EH Bilduk proiektuari aurkeztutako osoko zuzenketa baztertu dute Batzar Nagusiek, eta, hala, erreforma behin betiko onartzeko bilkura maiatzaren 7an egingo dute.
2025/04/09 - 14:51
Nafarroako Funtzio Publikoko sindikatuek Amparo Lopez kontseilariak dimititu dezala eskatu dute
Funtzio Publikoko Mahai Orokorreko sindikatu guztiek, LABek, AFAPNAk, CCOOk, ELAk eta UGTk, greba eguna egin dute Nafarroan. Foru Administrazioaren % 7,33 batu da lanuztera, Gobernuaren arabera.
2025/04/09 - 13:24
Bilbok hiri osoa zona tentsionatu izendatzea eskatuko du
Udalak uste du hiri osoan betetzen direla alokairu-merkatua arautzeko neurriak aplikatzea eskatzeko betekizunak.
2025/04/09 - 11:04
Jardunaldi mixtoa munduko burtsetan: Europako merkatuek behera egin dute; Txinakoek eta AEBkoek, aldiz, gora
Europan, Parisek % 3,34 galdu du, Frankfurtek % 3, Londresek % 2,92, Milanek % 2,75 eta Madrilek % 2,22. Shanghaiko eta Shenzhengo (Txina) burtsetako erreferentziazko indizeek, ostera, % 1,31 eta % 1,22 egin dute aurrera.
2025/04/09 - 09:49
Albiste izango dira: Muga-zergen aurkako neurriak, zerga berrikuspena eta EH Bildu eta PSE-EE bilera
Gaurkoan albiste izango direnen laburpena, bi hitzetan.
2025/04/09 - 09:46
Trumpen muga-zergak, herrialdez herrialde
Txina da denen buru, % 104ko arantzelekin. Hegoaldeko ekonomia ahul askok % 40-50eko zergak pairatuko dituzte, hala nola, Lesotho (% 50), Kanbodia (% 49), Laos (% 48), Madagaskar (% 47) eta Vietnam (% 46).
2025/04/09 - 09:21
Muga-zergak, indarrean: AEBk ia mundu osoko herrialdeei ezarri dizkio arantzelak; % 104koak, Txinari
Trumpek % 10eko tasa orokorra jarri die dozenaka herrialderen inportazioei; % 20koa, Europar Batasuneko produktuei eta % 104koa, Asiako erraldoiari. Bien bitartean, Eusko Jaurlaritzak eta Nafarroako Gobernuak, berriz, enpresak babesteko neurriak diseinatu dituzte.
2025/04/09 - 07:00
Lehendakariak Trumpen muga-zergei aurre egiteko lehen neurri-sortaren nondik norakoen berri emango du gaur
Eusko Jaurlaritzaren lehen aurreikuspenen arabera, EAEko 1.040 enpresak 2.000 milioi euroko balioa duten esportazioak egiten dituzte AEBra eta muga-zerga horiek 400 milioi euroko gainkostua ekarriko diete.
2025/04/08 - 21:18
Trumpek bete egin du mehatxua, eta bikoiztu egin ditu Txinako produktuen gaineko muga-zergak, % 104ra arte
Beijingeko produktuen gainean ezarritako zergak gauerdian sartuko dira indarrean. Gaur bertan, Txinako agintariek "irmo gaitzetsi" dute Ameriketako Estatu Batuak "xantaiaka ibiltzea".
2025/04/08 - 20:24
Manifestazio jendetsua Basaurin, Bridgestoneko kaleratzeen aurka
Basauriko Bridgestone lantegiko lehen greba eguna 05:00etan hasi da, eta erabateko jarraipena izan du. Beste bi greba-egunak apirilaren 11n eta 15ean izango dira.
2025/04/08 - 19:21
Bilboko taxiek app baten bidez ibilbide eta prezioen berri emango diete erabiltzaileei aurrerantzean
TaxiBilbao da aplikazioaren izena eta dagoeneko eskuragarri dago Android eta iOS sistemak dituzten gailuetan.
2025/04/08 - 18:05
Sei greba egun deitu dituzte Aste Santurako Avanza autobus konpainiako Gipuzkoako zerbitzuetan
Apirilaren 16tik 22ra izango dira lanuzteak. ELA, LAB eta Aurrera sindikatuek adierazi dute Aste Santurako mobilizazioak deitzearen helburua "zarata gehiago" ateratzea dela, euren aldarriak entzun daitezen.