19.000 positibo berri eta 96 hildako izan dira EAEn uztailaren 6tik hona
Eusko Jaurlaritzak COVID-19aren "bigarren olatuak" Euskal Autonomia Erkidegoan utzi dituen datu epidemiologikoen eta bilakaeraren laburpena egin du publiko gaur, Osasun Sailak eta Osakidetzak landu duten txosten baten bidez.
Uztailaren 6tik irailaren 3ra 332.991 PCR proba egin dituzte eta horietan 19.158 positibo berri atzeman dituzte. Denbora tarte horretan, gainera, 96 pertsona hil dira COVID-19arekin. Osasun Sailak berak zehaztu duenez, "hil aurreko bi hilabeteetan infekzioa izan duten pertsonak dira, baina ezin dezakegu esan COVID-19a izan denik heriotza eragin diena kasu guztietan".
Txosten horren arabera, intzidentzia-tasa jaisten ari da azken egunetan hiru lurralde historikoetan eta datuak egonkortzen ari dira hiru hiriburuetan. Dena dela, intzidentzia gora egiten ari da beste udalerri batzuetan.
Azken egunetan atzeman diren positibo portzentajeak, bere aldetik, behera egiten jarraitzen du eta %6,6an dago orain. %5etik behera egotea da Osasun agintarien nahia.
Profilari dagokionez, kutsatu berrien %20,9 60 urte edo gehiagokoak dira eta azken astean atzeman diren positibo berrien %50 baino gehiago norbaiten kontaktu hertsia izateagatik topatu dituzte.
Hauek dira azken 14 egunetan kasu gehien pilatu dituzten hiri eta herriak:
Bilbo 1.709
Gasteiz 1.129
Donostia 1.020
Barakaldo 384
Getxo 335
Gernika 223
Irun 170
Portugalete 142
Sestao 125
Erandio 123
Mungia 118
Errenteria 113
Lasarte-Oria 107
Galdakao 99
Santurtzi 97
Hernani 93
Leioa 82
Durango 76
Basauri 75
Trapagaran 58
Zarautz 56
Ondarroa 54
Tolosa 54
Azpeitia 48
Azken 24 orduetako datuak: 608 positibo berri EAEn
Pandemiaren eguneko datuei dagokienez, Osasun Sailak jakitera eman du atzo 7.218 PCR proba egin zituztela eta 608 positibo izan zirela.
Lurraldeka, 94 kasu atzeman ziren Araban, 324 Bizkaian eta 188 Gipuzkoan. Gainera, EAEtik kanpo bizi diren bi pertsonak ere positibo eman zuten.
Ospitaleetako egoerari dagokionez, 36 pertsona ingresatu zituzten atzo COVID-19agatik, eta une honetan 47 lagun daude ZIUetan.
Positibo berrien informazioa herrika eta RO indizea bihar, astelehena, emango dituzte.
Zure interesekoa izan daiteke
Haurrak protagonista Gasteizko jaietan, Edurne eta Zeledon Txikiren jaitsierarekin
Jaietako laugarren eguna haurrei eskainiko diote gaur, Edurne eta Zeledon Txikiren jaitsierarekin. Egun osoan zehar, jarduerak izango dira eta orain.eus-ek zuzenean eskainiko du jaitsiera Andre Maria Zuriaren plazatik.
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.