Inoizko COVID-19 kasu gehien atzeman dira Gipuzkoan azken 24 orduetan
Koronabirus datuek kezkagarriak izaten jarraitzen dute Euskal Autonomia Erkidegoan. 564 kasu berri (bezperan baino 20 gutxiago) atzeman dituzte azken 24 orduetan egindako 9.922 PCR probetan.
Lurraldeka, 55 kasu atzeman dira Araban, 244 Bizkaian, 263 Gipuzkoan eta bi EAEtik kanpo bizi direnen artean. Bereziki nabarmena da Gipuzkoako kopurua, izan ere, inoiz ez da horren altua izan. Koronabirus kasuak erregistratzen hasi zirenetik izandako egunik okerrena izan da atzokoa Gipuzkoan.
Positibo tasa, egindako test guztien artean atzematen den positiboen ehunekoa adierazten duena, % 5,68an dago, MOEk gomendatzen duen % 5aren gainetik.
Ospitaleei dagokienez, 16 lagun ospitaleratu dituzte azken 24 orduetan COVID-19a dela eta, eta ZIUetan 47 pertsona daude une honetan.
Herriz herriko informazioa eta R0 indizea astelehenean emango dira jakitera.
Gainera, Bizkaiko Foru Aldundiak jakitera eman duenez, Bizkaiko adinekoen egoitza batean bizi zen pertsona bat hil da azken orduotan COVID-19arekin. Guztira, 92 adineko daude kutsatuta Bizkaiako sareko egoitzetan.
Gipuzkoako zahar etxeetan, berriz, 52 pertsona daude une honetan COVIDarekin, azken orduetan Bergarako Mizpirualde zentroan beste positibo bat atzeman ostean.
Nafarroan, bestalde, 427 COVID-19 kasu berri izan dira, Nafarroako Osasun Publikoaren Institutuaren datuen arabera. 3.049 PCR proba egin ziren atzo, eta horietatik % 14k eman zuen positibo. Lau hildako izan dira azken orduetan: 97 eta 82 urteko bi emakume eta 92 eta 89 urteko bi gizon.
Nafarroako osasun sareak 263 gaixo ditu ospitaleetan, eta horietako 33 ZIUn daude.
Iruñerrian izan dira positiboen % 58. Tutera eta inguruan, % 13, eta Lizarra eta inguruan, % 8. Gainontzeko positiboak (% 21) Nafarroako beste eskualdeetan izan dira.
Adinari dagokionez, 15 urtetik 29 urtera bitarteko taldean izan ziren atzo positibo gehien, % 28. 30-40 urteko taldean, berriz, % 23. Jarraian, honako taldeak daude: 45-59 urtekoena (% 19), 15 urtetik beherakoena (% 14), 60-75 urte artekoena (% 11) eta 75 urtetik gorakoena (% 5).
Kasuen batez besteko adina 37,3 urte da.
Egoera honen aurrean, "ezinbestekoak ez diren jarduerak" murriztuko ditu Nafarroako Gobernuak datozen 14 egunetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.