Lana, ikasketak eta osasuna, EAEko udalerrietatik ateratzeko arrazoi bakarrak
Gauerdian sartu dira indarrean Arabako, Bizkaiko eta Gipuzkoako herritarren mugimenduak eta topaketak are gehiago mugatzea helburu duten neurri berriak. Azken asteotan bilakaera oso txarra izan du koronabirusaren pandemiak EAEn eta joera hori geldiarazi nahi dute neurri berriekin.
Udalerri guztiak konfinatuta geratu dira eta debekatuta dago aldameneko udalerrira joatea.
Ikasketengatik, lanagatik, osasun arrazoiengatik, haur zein helduen zaintzagatik edota behar bezala justifikatutako ezinbesteko arrazoiengatik bakarrik atera eta sartu ahal izango da norberarena ez den beste udalerri batera. Oraingo honetan, ez dago baimenduta "arrazoi sozioekonomikoengatik" mugitzea, herriak itxi ziren azken aldian bezala.
Gainera, harreman sozialak ekiditeko, gehienez lau pertsona elkartu ahal izango dira taldeetan, bai eremu publikoan baita pribatuan ere. Tabernetako eta jatetxeetako mahaietan ere gehienez lau lagun eseri ahalko dira.
Murrizketa hauek 20 egunez egongo dira indarrean, otsailaren 13ra arte, zehazki.
Bestalde, indarrean darraite orain arteko mugek ere: 22:00etan da etxeratze agindua, 20:00etan itxi beharra daukate jatetxeek eta tabernek, eta 14 egunean 100.000 biztanleko 500eko intzidentzia tasa baino handiagoa duten udalerriek ostalaritza itxi eta eskola kirola bertan behera utzi beharra daukate, besteak beste.
Hain zuzen ere, gaur ezagutuko da zein den EAEko udalerri bakoitzaren egoera eta horietako zeintzuk sartuko edo aterako diren "zerrenda gorritik". Zerrenda astelehenero eta ostegunero berritzen da, ebazpen bidez. Ostiralean, egoera epidemiologikoa islatzen duen koloretako semaforoa publiko egin zen azken egunean (asteburuetan ez da argitaratzen), 5.000 biztanletik gorako 28 herri zeuden gorrian, eta Urnieta, Hernani, Lasarte eta Irun sartu ziren eremu horretan egun hartan. Asteburuan egoera aldatu ez bada, eta gaur egoera horretan jarraitzen badute, ostalaritza itxi beharko dute asteartetik aurrera.
Asteartean sartu zen Bilbo gorrian eta ostiralean itxi zuten perimetralki zein ostalaritza, osteguneko ebazpen ofizialaren ondoren. Oraingoan, Gasteiz eta Donostia sar daitezke eremu gorrian, 472 eta 446ko intzidentzia tasa baitzuten ostiralean, hurrenez hurren. Hala balitz, perimetralki itxita egoteaz gain, ostalaritza ere itxi beharko lukete.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.