Bermeo eta Astigarraga dira, hurrenez hurren, intzidentzia baxuena eta altuena duten EAEko udalerriak
(OHARRA: Koronabirusaren semaforoa astean bitan eguneratuko da aurrerantzean, astelehen eta ostegunetan)
Intzidentzia metatuak hobera egin du egunotan Euskal Autonomia Erkidegoan (EAE), nahiz eta oraindik ere datuak nahiko kaskarrak diren. Bermeo da intzidentzia maila baxuena duen udalerria. Kontrara, Astigarraga da egoera okerrenean dagoena, covid-19ak herriz herri izan duen eragina neurtzeko erabiltzen duten semaforoaren arabera.
Araban intzidentziak beheranzko joera hartu du. 3.181 kasuraino (3.816 kasukoa zen ostegunean) jaitsi da intzidentzia. Udalerri handi guztiak daude 4.000 kasuko intzidentzia metatuaren azpitik. Gasteizek 3.200 kasuko intzidentzia tasa du, eta 3.984koa zuen hilaren 27an.
Bizkaian, osteguneko 3.272 kasuetatik 2.915era jaitsi da 100.000 biztanleko intzidentzia metatua. Bilbon, 3.383 kasuko intzidentzia-tasa zegoen ostegunean, eta gaur, berriz, 2.729koa. Bermeo da, alde handiarekin egoera onenean dagoena: 1.833ko intzidentzia. Udalerri gehienak, baina, 3.000 kasuren bueltan daude.
Gipuzkoa da berriro ere lurralde zigortuena, Arabari aurrea hartuta. Azken datuekin alderatuta, jaitsiera izan du intzidentziak, 100.000 biztanleko 3.372 kasuko intzidentzia baitu gaur (3.773koa zuen ostegunean). Donostian ere, datuek hobera egin dute, eta 3.178 kasuko intzidentzia du (3.763 zen urtarrilaren 27an).
Esan bezala, Astigarragak du egoera beltzena. Kutsatzeen hedapena gelditu ezinik, 5.124ko intzidentzi izatera heldu da azken egunetan.
Covid-19aren semaforoa Europar Batasunak (EB) onartutako kolore-maparen egokitzapena da, eta azken 14 egunetan metatutako intzidentzia-tasa jasotzen du.
Albiste gehiago gizartea
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.