Zinema

Zinemako zein beste arlo sozial eta politikoetako dozenaka aktore, zuzendari eta aurpegi ezagunen artean, Euskal Zinemaren Galak protagonista eztabaidaezina izan du: Jose Ramon Soroiz. Zinemira saria jaso du, baita galan ziren guztien aintzatespen beroa ere.

Jose Ramon Soroiz aktoreari 2026ko Zinemira saria eman diote gaur gauean, Euskal Zinemaren Gala Handian, Donostiako Zinemaldiaren 74. edizioaren barruan. Omenaldia Victoria Eugenia Antzokian egin diote, eta Legorretako antzezlearen ibilbide luzea saritu dute bertan.

Zinemaldiaren gidaritzan azken urtea duen honetan, euskal zinemaren ordezkariek Jose Luis Rebordinos omendu dute Euskal Zinemaren Galan. Zinemaldiaren zuzendaritzan eta hautatze-batzordean urteak igaro ostean, jaialdiaren ardura gorena bere gain hartu zuen 2010ean.

Victoria Eugenia antzokiak Euskal Zinemaren Gala hartuko du gaur 19:00etatik aurrera, Zinemaldian. Miren Gaztañagak eta Ane Gabarainek aurkeztuko duten ekitaldian, Jose Ramon Soroizek Zinemira saria jasoko du, eta Alberto Gastesik, EITB Egile Berriak saria. 

Ez da erraza euskal zinema definitzea, euskalduntasuna definitzea bezain ariketa zaila da, eta eztabaida puri-purian dago. Zinemagintzan diharduten hainbat pertsonari galdetu diegu beraientzat zer den euskal zinema. Hona, Ekain Albite eta Aitor Gametxo zinemagileen, Itziar Ituño aktorearen, Jose Luis Rebordinos Zinemaldiaren zuzendariaren, Carlos Muguiro EQZE zinema eskolaren zuzendariaren, Joxean Fernandez Euskadiko Filmategiaren zuzendariaren eta Igor Legarreta zinemagilearen iritzia.

Argentinar aktore eta ekoizlea, Zinemaldiaren aurtengo karteleko protagonista eta 2017an Donostia saria jasotakoa, Maria Cristina hotelera iritsi da. Aurten, Lo dejamos acá Hernán Goldfriden pelikula aurkeztuko du Donostiako zinema jaialdian.   

25 urteko ibilbidearen ondoren, Gatibu rock-taldeak agur esan zien agertokiei abenduaren 13an, kontzertu jendetsu batekin, BECen. Jabi Elortegi zinemagileak zuzenduta, dokumentalak azken biraren gaieneko kontakizuna egiten du, une erabakigarriez eta emozioz beteriko pasarte intimoez josita. Biraren kronika soilaz harago, filmak denboraren joanaz, eraldaketa pertsonal eta kolektiboaz, heldutasunaz eta agur esaten jakitearen garrantziaz hausnartzen du. Zinemira sailean aurkeztu dute.

Javier Calvo eta Javier Ambrossi zuzendariak, Penelope Cruz aktoreak eta La bola negra filmaren gainontzeko aktoreak Donostiako Zinemaldiaren alfonbra gorrian izan dira igande honetan, filma jaialdiaren 74. edizioaren Perlak sailean aurkezten.

Brad Pitt Donostian da jada, Zinemaldia dela eta. Aktorea Maria Cristina Hotelera iritsi da, eta bertan hartu du ostatu hirian egon den bitartean, edizio honetako zinema-ekitaldi handienetako batean parte hartzeko. Aktorea jaialdira itzuli da Heart of the Beast ("Piztiaren bihotzean") David Ayerrek zuzendutako film berria aurkeztera.

Gaurkoan Orain-en albiste izango direnen laburpena, bi hitzetan.

Gaur goizean ikusi dugu Zinemaldiko 74. edizio honetako epaimahaia lehen aldiz, 7 kidek osatzen duten taldeak argazki ofiziala atera baitu. Epaimahaikideetako bat Patricia Lopez Arnaiz aktore arabarra da, eta Ira Sachs zinemagile estatubatuarra da presidentea.

'Los Javis' zuzendari bikotearen La Bola Negra film entzutetsuaren txanda da gaurkoan Donostia Zinemaldian. Federico Garcia Lorcaren istorio batean inspiratuta dago, eta garai ezberdinetako hiru gizon homosexualen bizitzaz hitz egiten du. ETBrekin hitz egin dute protagonistek.

EITBren partaidetza duen filma Sail Ofizialaren parte da, lehiaketatik kanpo. Gaurko estreinaldiaren ondoren, RTVE-EITB Galan emango dute bihar, 22:00etan, Victoria Eugenia Antzokian.

Oso hunkituta, eskerrak eman dizkio Donostiako Zinemaldiari saria hau emateagatik. Txikitatik amets egiten zuela antzezle izatearekin nabarmendu du eta ezezko askoren ostean, David Lynchek ireki zizkiola ateak, “Mulholland Drive” filmarekin. “Zinema da dagoen arterik ederrena eta inoiz baino gehiago behar dugu istorioak konta diezaguten”, hausnartu du, eta 40tik gorako emakumeen presentzia ere aldarrikatu du bere esker hitzaldia amaitzeko (euskarazko itzulpena bere hitzen gainean).

Egunotan Kursaal ondoan TRAIDOREA hitza zeraman kartela erraldoiaren esanahia argitu dute gaur Daniel Calparsoro zinegile donostiarrak eta Javier Gutierrez aktoreak: "El confidente" Calparsororen azken pelikularen iragarkia da. Polizian infiltratutako ETAko kide baten istorio erreala jasotzen du. Donostian filmatu den pelikula laster estreinatuko dela iragartzeko, lantalde osoak agerraldia egin du Kursaaleko zubian.

Modan dauden zuzendariak dira Javier Calvo eta Javier Ambrossi, "Los javis" delakoak, eta zoramena izan da arratsaldean, Donostiara iritsi direnean. Sekulako ikusmina zegoen Maria Cristina hotelaren inguruetan eta esker ona erakutsi diete zaleei. Bihar aurkeztuko dute "La bola negra" entzutetsua, Oscarretan lehiatzeko aukera handiak dituen filma.