Albiste izango dira: Pradales-Sanchez bilera, Bengoetxea EHUko errektore berria eta su-etena Libanon
Honako gai hauek hartuko dituzte gaur, 2024ko azaroaren 27an, hedabideetako lerroburu nagusiak:
- Pradales-Sanchez bilera: Euskal Autonomia Erkidegoaren eta Espainiako Estatuaren arteko Lankidetzarako Aldebiko Batzorde Iraunkorra 17:00etan bilduko da, Eusko Jaurlaritzaren esku uzteko dauden eskumenen transferentzia bizkortzeko asmoz. 1987an eratu zenetik, aurreneko aldia da organo hau aktibatzen dena. Imanol Pradales lehendakaria eta Pedro Sanchez Espainiako Gobernuko presidentea izango dira Moncloa jauregian egingo den hitzorduaren buru, eta bi gobernuen goi ordezkariek parte hartuko dute.
- Bengoetxea, EHUko errektore berria: Joxerramon Bengoetxea izango da Euskal Herriko Unibertsitateko (EHU) errektore berria, hauteskundeak irabazi ostean. Eva Ferreira egungo errektoreak botoen % 36,3 eskuratu du, eta Bengoetxeak, berriz, bozen % 63,6. Parte-hartzeak gora egin du sektore guztietan, eta hautestontzietara deitutako 50.590 pertsonetatik 11.081ek eman dute botoa, horietatik 2.870ek Ferreirari eta 7.599k Bengoetxeari, 530 boto zuri eta 82 baliogabe izan direlarik.
- Libanoko su-etena, indarrean: Israelen eta Libanoren arteko 60 eguneko su-etena goizaldean sartu da indarrean. Akordioaren arabera, tropa israeldarrak erretiratu egingo dira, Hezbollahk Litani ibaiaren iparraldera egingo du atzera, eta 60 eguneko epea amaitzean, Israelek eta Libanok bi herrialdeen arteko muga negoziatu beharko dute; izan ere, gaur egun banalerro bat dago, Lerro Urdina, NBEk 2006ko gerraren ondoren finkatutakoa.
Zure interesekoa izan daiteke
EH Bilduk kritikatu egin du Solariako bi zuzendari ohik EAJren eskutik Administrazio Publikoan karguak izatea
Koalizio subiranistak gogorarazi du gaur egun parke fotovoltaikoak sortzeko 19 proiektu daudela Araban, eta zalantzan jarri ditu bi goi-kargudun horien interesak: "Eskandalua da".
Pradales: "Mundu ezegonkor honetan, babesleku gisa balio duen eredu ona da Euskadi"
Davoseko Munduko Ekonomia Foroan egindako bisitaren amaieran, euskal eredua defendatu du lehendakariak.
Mikel Torresek dio erabakitzeko eskubidea dela Estatutu berria adosteko "oztopo nagusia"
Mikel Torres Ekonomia, Lan eta Enplegu sailburu eta lehendakariorde sozialistak ziurtatu duenez, erabakitzeko eskubidea "marra gorri" bat da, eta adierazi du sozialistek ez dutela "gurutzatuko". Esan du negoziazioa geldiarazi lezakeela auzi horrek.
Albiste izango dira: Davoseko Foro Ekonomikoa, abisu horia haizeagatik eta itsasaldeko arriskuagatik, eta Oscar sarietarako izendapenak
Gaurkoan Orain-en albiste izango direnen laburpena, bi hitzetan.
Pradales: "Europak ez badu inoren mendeko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, erabaki propioak hartu behar ditu eta ekintzaile globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.