Azkoitia, Bergara, Ordizia, Urretxu eta Tolosa dira EAEn 9.000 kasuko intzidentzia gainditu duten udalerriak

(OHARRA: Koronabirusaren semaforoa astean bitan eguneratuko da aurrerantzean, astelehen eta ostegunetan)

Intzidentzia metatuak goraka jarraitzen du Euskal Autonomia Erkidegoan (EAE). Covid-19ak herriz herri izan duen eragina neurtzeko erabiltzen duten semaforoaren arabera. Zehatz esanda, 6.936 kasukoa da 100.000 biztanleko.

Gaur gaurkoz, Euskal Autonomia Erkidegoko udalerri guztiek eremu latzenean jarraitzen dute, alegia, eremu gorrian. 

Araban, intzidentzia 5.883 kasukoa da (5.298 kasu ziren astelehenean), eta 5.000tik gora biztanle dituzten herri denetan, 5.000 kasuren muga gainditu da, Gasteizen baita (6.069).

Bizkaian, asteleheneko 6.484 kasuetatik gaur 100.000 biztanleko 6.843 kasura igo da intzidentzia metatua. Bilbok 6.604 kasuko intzidentzia du. Gainera, Abadiñok, Berangok, Gernika-Lumok, Lekeitiok, Markina-Xemeinek eta Sopelak 8.000 kasutik gora dituzte.

Gipuzkoa da oraindik ere lurralde zigortuena. 7.357 kasukoa da gaur (astelehenean 7.175 kasukoa zen). Donostiak 100.000 biztanleko 6.585 kasuko intzidentzia metatua du (6.543 zen hilaren 6an). Bergaran (14.596 biztanle), 14 egunetan metatutako intzidentzia 9.856 kasukoa da (EAEko udalerrien artean intzidentziarik altuena duten udalerria da). Azkoitiak, Ordiziak, Tolosak eta Urretxuk ere 9.000 kasuko intzidentzia gainditu dute 14 egunetan

Covid-19aren semaforoa Europar Batasunak (EB) onartutako kolore-maparen egokitzapena da, eta azken 14 egunetan metatutako intzidentzia-tasa jasotzen du.