Donald Trumpen aurka egindako erasoa irmo gaitzetsi dute mundu osoko agintariek
Mundu osoko agintariek irmo gaitzetsi dute Donald Trumpen aurkako erasoa, Pennsylvanian, kanpainaurreko ekitaldi batean, hautagai errepublikanoa tirokatu eta bala batek eskuineko belarria urratu ostean.
Erasoa gertatu eta minutu gutxira, irmo gaitzetsi dute erasoa honako agintari hauek: Andres Manuel Lopez Obrador, Mexikoko presidentea; Viktor Orban, Hungariako lehen ministroa; Xiomara Castro, Hondurasko presidentea; Javier Martinez-Acha, Panamako Kanpo Harremanetarako ministroa; Javier Milei, Argentinako presidentea; Luiz Inacio Lula da Silva, Brasilgo presidentea; Nicolas Maduro, Venezuelako presidentea; Bernardo Arevalo, Guatemalako presidentea; Luis Arce, Boliviako estatuburua; eta Luis Abinader, Dominikar Errepublikako presidentea. Guztiek babesa adierazi diote Trumpi, eta azkar sendatzea opa diote.
Halaber, igande honetan agintari gehiagok deitoratu dute gertatutakoa, hala nola Emmanuel Macron Frantziako presidenteak, Giorgia Meloni Italiako lehen ministroak, Dick Schoof Herbehereetako lehen ministroak, Olaf Scholz Alemaniako kantzilerrak, Recep Tayyip Erdogan Turkiako presidenteak, Daniel Noboa Ekuadorko presidenteak, Nayib Bukele El Salvadorko presidenteak eta Gabriel Boric Txileko presidenteak. Era berean, Asiako hegoaldeko agintariek "politikan indarkeria oro" arbuiatu dute, eta Trumpi azkar sendatzea opa diote.
Testuinguru horretan, Joe Biden AEBko presidenteak ere irmo gaitzetsi du bere aurkari errepublikanoaren aurkako atentatua: "Pozten nau salbu dagoela eta ondo dagoela jakiteak. Otoitz egiten ari naiz beragatik, bere familiagatik eta mitin horretan zeuden guztiengatik". "AEBn ez dago lekurik horrelako indarkeria-motarako. Nazio bakar bat bezala elkartu behar gara gertatutakoa gaitzesteko", azpimarratu du.
Barack Obama AEBko presidente ohiak ere komunikatu bat kaleratu du, politikan "gizalegea" bermatzeko beharra azpimarratuz: "Nahiko lasai egon beharko ginateke denak ez delako larri zauritu, eta une hau aprobetxatu beharko genuke gizalegearekiko konpromisoa eta politikarekiko errespetua bermatzeko".
Borrellek eta Guterresek atentatua gaitzetsi dute
Josep Borrell Europar Batasuneko Kanpo Arazoetarako goi ordezkariak ere gaitzetsi du Trumpen aurkako atentatua, eta gertatutakoaren aurrean "hunkituta" agertu da. "Gertatutakoarekin hunkituta nago, eta irmo gaitzesten dut Donald Trump AEBko presidente ohiaren aurkako atentatua. Berriro ere, ordezkari politikoen aurkako indarkeria ekintza onartezin baten aurrean gaude", azpimarratu du Borrellek X sare sozialean argitaratutako mezu batean.
Era berean, Antonio Guterres NBEko idazkari nagusiak deitoratu egin du Trumpen aurkako atentatua, eta "indarkeria politikoko ekintza" dela esan du. Elkartasuna adierazteaz gain, azkar sendatzea opa dio NBEko idazkari nagusiak Trumpi.
Halaber, Europako Kontseiluko, Batzordeko eta Parlamentuko presidenteek (Charles Michel, Ursula von der Leyen eta Roberta Metsola, hurrenez hurren) gertatutakoa gaitzetsi dute, eta indarkeriak ez duela "inolako lekurik" politikan, eta demokrazian "erabat onartezina" dela azpimarratu dute.
Erreakzio gehiago
Volodímir Zelenski Ukrainako presidenteak elkartasuna adierazi dio Trumpi: "Atsekabetuta nago Donald Trump AEBko presidente ohiaren aurkako tiroketagatik, Pennsylvanian egindako ekitaldi politiko batean. Horrelako ekintza bortitz batek ez du inolako justifikaziorik ezta lekurik ere munduan", adierazi du Zelenskik X sare sozialean zabaldutako mezu batean.
Era berean, Xi Jinping Txinako presidenteak babesa adierazi dio Trumpi ohar bidez: "Txina kezkatuta dago Trump AEBko presidente ohiaren aurkako tiroketarekin. Xi Jinping presidenteak babesa adierazi dio".
"Donald Trumpek Pennsylvanian egindako mitin batean jasandako erasoa gaitzetsi nahi dut", idatzi du X sare sozialean Pedro Sanchez Espainiako Gobernuko presidenteak, eta indarkeriak zein gorrotoak demokrazian ez dutela lekurik azpimarratu du.
Alberto Nuñez Feijoo PPko presidenteak, berriz, "moderazioa" eskatu du, eta honakoa gaineratu du: "Desberdin pentsatzen duenarenganako gorrotoa elikatzeak duela ordu batzuk AEBn bizi izandakoaren moduko egoerak eragiten ditu".
Halaber, Jair Bolsonaro Brasilgo presidente ohiak eta Cristina Fernandez Argentinako presidente ohiak ere babesa adierazi diote Trumpi, eta irmo gaitzetsi dute erasoa.
Albiste gehiago mundua
Erresuma Batuak 16 urtera jaitsi du botoa emateko adina
Neurria 2029rako aurreikusita dauden hauteskunde orokorrak baino lehen sartuko da indarrean. 1969an adin hori 21 urtetik 18ra jaitsi zenetik egin den hauteskunde-erreformarik handiena da.
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.