Ayuso protagonista izan duen Presidenteen XXVIII. Biltzarra akordio eta jarrera hurbilketarik gabe amaitu da
Bartzelonako Pedralbes jauregian egin den Presidenteen XXVIII. Biltzarra akordiorik gabe bukatu da gaur, Pedro Sanchezen gobernuaren eta PP buru duten gobernu autonomikoen arteko liskar irekiarekin.
Sanchezek espiritu eraikitzailearekin eztabaidatzeko eta "haserrea kanpoan uzteko" egindako eskariak ez du ezertarako balio izan. PPko 13 presidente autonomikoek Gorteak desegiteko eta hauteskundeak deitzeko eskatu diote berriro.
Biltzarraren amaieran, Sanchezek berak onartu du ezinezkoa zela akordioa lortzea, PPko buruzagiek erakutsitako jarreraren aurrean, Espainiako Gobernuko iturriek jakitera eman dutenez.
Gainera, Isabel Diaz Ayuso Madrilgo presidenteak bilera-gelatik alde egiteko erabakia hartu du, Imanol Pradales lehendakariak euskaraz hitz egin duenean, eta ez da itzuli Salvador Illa Kataluniako presidenteak hitzaldia bukatu duen arte.
Eusko Jaurlaritzaren ustez, Madrilgo presidenteak "euskararekiko, milaka euskaldunekiko, lehendakariarekiko eta euskal herriarekiko erakutsitako errespetu falta onartezina da", are gehiago foro horretan euskaraz, katalanez, galegoz eta gaztelaniaz hitz egiteko aukera izan dutenean.
"Hizkuntza ofizialak errespetatzea ez da huskeria: hizkuntza-berdintasuneko, errespetu instituzionaleko, kulturaleko eta demokratikoko eskubide kontua da. Euskara Europa osoko hizkuntza ofiziala eta ondarea da", azpimarratu dute Jaurlaritzako iturriek.
Euskal indar politiko guztiek penagarritzat jo dute Diaz Ayusoren jokabidea, EAEko PPk izan ezik.
Ayusoren protagonismo grina ez da soilik horretara mugatu; izan ere, Monica Garcia Osasun ministroak "normaltasun instituzionalarekin" agurtu du Madrilgo Erkidegoko presidentea, eta hark, "oso urduri eta oldarkor", pandemian adinekoen egoitzetan izandako heriotzengatik "hiltzaile" deitu izana leporatu dio.
Albiste gehiago politika
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.