Eusko Jaurlaritza
Albiste izango dira: agintaldi erdiko hauteskundeak AEBn, Puenteren agerraldia tren-istripuari buruz eta Jaurlaritzaren aurrekontuak, sailez sail
Hedabideetako gaurko lerroburu nagusiak, hitz bitan.
Ekonomia, Lan eta Enplegu Sailaren aurrekontua % 5,8 igoko da, 1.338 milioiraino, Lanbide ardatz nagusi hartuta
Arratsaldean Gobernantza sailburuak eta Industria sailburuak ere hurrengo urteko kontuak azaldu dituzte. Gobernantza sailak 192,4 milioi euro izango du eta zatirik handiena Administrazioa eraldatzeko eta modernizatzeko erabiliko da. Industria Sailak 676,1 milioi euro izango ditu, hobekuntza teknologikoa eta AA enpresetan txertatzea helburu hartuta.
Martuteneko espetxea zegoen lekuan etxebizitzak egiteko erakunde arteko akordioa aste honetan lor lezakete
Estatuko Gobernuak, Eusko Jaurlaritzak eta Donostiako Udalak hiru aldeko bilera egingo dute asteazkenean Madrilen. Bertan akordioa lor lezakete Txomin Enea II hirigintza-proiektua bultzatzeko.
Denis Itxaso: “Etxegabetze guztiak ez dira ezin ordaintzeagatik”
Eusko Jaurlaritzako Etxebizitza sailburuak azaldu du Alokabideren eskutan dauden etxebizitzetatan ere egiten dituztela kaleratzeak. “Norbaitek elkarbizitzarako dauden arau minimoak betetzen ez baditu, bere inguruan dauden bizilagunak kaltetzen ari bada eta, gainera, posible izan arren ordaintzen ez duenean, gu behartuta gaude kaleratzera”.
Eusko Jaurlaritzako Gazteria zuzendariak uste du jarrera erradikalizatuak gutxiengoa direla
Adrian Lopez Sarachaga Eusko Jaurlaritzako Gazteria eta Emantzipaziorako zuzendariaren ustez, Euskadiko gazte gehienek ez dituzte babesten joan den astean Bilbon izandako indarkeriazko jokabideak. Radio Euskadiko Crónica de Euskadi fin de semana saioan egin dioten elkarrizketan esan duenez, jarrera erradikalizatuak gutxiengoa dira.
Delitu kopuruak % 1,2 egin du behera Araban, Bizkaian eta Gipuzkoan irailera bitartean
Urtarriletik irailera bitartean, 109.512 delitu erregistratu dira guztira: % 79,6 presentzialak izan dira, eta % 20,4, informatikoak.
788,5 milioi euroko plana onartu du Bizkaiak Metro Bilbao modernizatzeko
Bizkaiko Foru Aldundiak eta Eusko Jaurlaritzak erdi bana finantzatuko dute proiektua. Metroko 37 tren zaharrenak berrituko dituzte, edukiera % 12 handitzeko eta segurtasuna nahiz gorabeherei erantzuteko gaitasuna hobetzeko.
Jaurlaritzak Alokaplus jarri du martxan, alokairuko ez-ordaintzeak estaltzeko aseguru publikoa
Alokairu-eskari handiena dagoen eremuetan hutsik dauden 25.000 etxebizitza inguru merkatura ateratzea sustatu nahi du Jaurlaritzak. Aseguruak, oro har, ordaindu gabeko 14 hilabeteko alokairua estaliko du, eta 20 hilabetera arte luzatu ahal izango da kasu jakin batzuetan.
Ubarretxenaren esanetan, transferentzien inguruko akordio "txikiak" lantzen eta hurrengo legealdirako "ateak zabalik uzteko" lanean ari da Jaurlaritza
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak Radio Euskadin egin dioten elkarrizketan azaldu duenaren arabera, Garraio Ministerioarekin "akordio txiki bat" lantzen ari ziren, baina Toledoko tren istripuak "hankaz gora" utzi du dena.
SEPI banan-banan batzartuko da Tubos Reunidosen interesa duten hiru inbertsore industrialekin, Ubarretxenaren arabera
Maria Ubarretxena Eusko Jaurlaritzaren bozeramaileak, Radio Euskadin egin dioten elkarrizketan, azaldu du bilerak "laster" egingo direla. Halaber, Tubos Reunidosek SEPIrekin duen 150 milioi euroko zorrak enpresaren etorkizuna "baldintzatu" egingo duela adierazi du.
Pradalesek BABES sistema aurkeztu du, Euskadiko larrialdi guztiak modu bateratuan kudeatzeko
Segurtasunari buruz Eusko Legebiltzarrean egindako osoko bilkura monografikoan, Euskadiko segurtasuna eta babes zibila koordinatzeko aginte bakarra duen egitura aitzindaria aurkeztu du lehendakariak.
Aurrekontuak Eusko Legebiltzarrera iritsi dira, eta abenduaren 21ean onartuko dituzte
Euskal Autonomia Erkidegoko 2027ko aurrekontu orokorren proiektua Eusko Legebiltzarrera iritsi da gaur, asteazkenarekin. Abenduaren 21ean onartuko dute, osoko bilkuran.
Osakidetzako sindikatuek negoziazioak eten eta ostiraleko grebari eutsiko diote
SATSE, ELA, LAB, CCOO eta UGT sindikatuek salatu dute ez dagoela "aurrerapausorik" lan-baldintzei buruzko negoziazioan, eta Osakidetzako Mahaitik altxatu dira.
SEPI Tubos Reunidosen inbertsoreekin bilduko da gaur, eta "zorra kitatu ezean, erretiratu" egingo direla ohartarazi du Jaurlaritzak
"Interesak murriztea eta ordaintzeko epeak luzatzea" eskaini du SEPIk, baina Eusko Jaurlaritzak "erabateko aldaketa" eskatu dio, "inbertitzaileak uxatu" dituelakoan. Zorra kitatu ezezean, Tubos "likidaziora" doala ohartarazi du Jaurlaritzak.
Ubarretxena: "Onartezina da elkarbizitza nahita okertzen duten talde antolatuak egotea"
Eusko Jaurlaritzaren bozeramaileak atzo Bilbon izandako istiluen aurrean erakundeak egindako adierazpena irakurri du, eta esan du "bereziki larria" dela "hain jende gaztea gorroto, larderia eta liskar dinamiketan inplikatuta ikustea".
Eusko Jaurlaritzak inoizko aurrekontu proiekturik handiena onartu du 2027rako
2027ko aurrekontu proiektua 17.629 milioi eurokoa izango da, aurtengoa baino % 7,6 handiagoa. Osasun (% 7,4 gehiago) eta Hezkuntza Sailek (% 13,3 gehiago) aurrekontu osoaren % 54 hartzen dute.
Alokairu berrien prezioa % 2,1 jaitsi da Euskadin, eta % 7,8 Donostian
Kontratu berrien hileko batez besteko errenta 867,4 eurokoa da, bi hiruhilekoz jarraian behera egin ondoren. Bilbon, aldiz, goranzko joerari eutsi diote prezioek, eta % 7,1 igo dira urtebetean.
Zupiriak Europako asaldura kutsatu egin dela ohartarazi du eta Bilboko istiluak gaitzetsi ditu
Segurtasun sailburuak iritzio dio Bilboko istiluetan Europako eta Espainiako asalduraren parean jarri nahi izan dutela dirudiela. Halaber, Ertzaintzari eskatu dio legearen arabera jokatzeko erantzuleak atxilotzeko eta justiziaren esku jartzeko. Gainera, gertakari horien aurrean gaitzesteko konpromiso argia eta orokorra eskatu du, eta azpimarratu du ez dagoela "indarkeriaren erabilera justifikatzen duen helbururik".
Unibertsitate sailburuak, Deustu ixteari buruz: "Kafkiarra da Bilbo hankaz gora jartzea pertsona bakar bategatik"
Perez Iglesiasek ez du egoki ikusi Deustuko Unibertsitateak Bizkaiko campusa ixtea, Vito Quiles eskuin muturreko xaxatzailearen bisita dela eta. Gogorarazi du, gainera, EHUk Arabako campusa zarratu zuenean ere kontra azaldu zela.
Pradales, Illa, Moreno eta Clavijo Bilbon batu dira adimen artifizialak ekarriko dituen aukerez eta arriskuez hitz egiteko
Japoniako NTT Data aholkularitza enpresak Future Goverment Center sortu du, eta zentro horrek foro batean bildu ditu lehendakaria eta Kataluniako, Andaluziako eta Kanarietako presidenteak. Kanpainaurre betean, adimen artifizialaz eta gobernantzaz aritu dira laurak.