1.000 kasutik beherako intzidentzia dute Arabak eta Bizkaiak
(OHARRA: Koronabirusaren semaforoa astean bitan eguneratuko da aurrerantzean, astelehen eta ostegunetan)
Astelehenean 1.000 kasuko intzidentzia gainditzen zuten arren, azken egunetako hobekuntzari esker, Arabak eta Bizkaiak langa hortik behera kokatzea lortu dute. Hain zuzen ere, 994 kasu ditu 100.000 biztanleko Arabak, eta 964ekoa Bizkaiak, covid-19ak herriz herri izan duen eragina neurtzeko erabiltzen den semaforoaren azken datuen arabera. Bermeo da, bestalde, intzidentzia baxuena duen EAEko udalerria: 461 kasu.
Araban, egoerak hobera egiten jarraitzen du, 994 kasukoa baita intzidentzia metatua (1.362 kasukoa zen astelehenean). Herri handi guztiek dute 800 eta 1.300 kasu bitarteko intzidentzia. Gasteizek, adibidez, 1.023koa du; otsailaren 14an, 1.378 kasuko intzidentzia zeukan.
Bizkaian ere hobetu egin dira datuak, 1.826ko intzidentzia edukitzetik 964koa izatera pasatu baita. Herri nagusien artean Balmaseda da intzidentzia altuena duena; 1.649 kasukoa. Gainerakoek kutsatze gutxiago dituzte, eta aipatzekoa da Bermeok eutsi egin diola azken asteetako joerari. Izan ere, Bizkaiko kostaldeko udalerri horretan 461 kasukoa da intzidentzia; Euskal Autonomia Erkidego osotik baxuena. Bilboko agertokia nabarmen hobetu da, asteleheneko 1.740 kasuak atzean utzi, eta 964 kasutan baitago gaur-gaurkoz intzidentzia han.
Gipuzkoan, aldiz, hobekuntza ez da horren nabarmena izan. Intzidentzia metatua 1.515ean zegoen astelehenean; gaur, berriz, 1.125ean. Donostian ere, antzekoa izan da aldaketa: 1.548 kasutik 1.207ra jaitsi da.
Covid-19aren semaforoa Europar Batasunak (EB) onartutako kolore-maparen egokitzapena da, eta azken 14 egunetan metatutako intzidentzia-tasa jasotzen du.
Albiste gehiago gizartea
'Aita Mari' ontziak migratzaileak zeramatzaten bi ontzi lagundu ditu, Mediterraneo erdialdera abiatu eta ordu gutxira
Horietako batek 15 migratzaile zeramatzan, tartean bost haur eta hiru emakume; besteak, 30 pertsona, horien artean zazpi adingabe. Aljeriatik iritsitakoak, bidaiari gehienak Saharaz hegoaldeko Afrikakoak dira.
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
:eitb-banner?$eitb-banner$&fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Ostiral epela Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.